आमोस 6  Awadhi Bible: Easy-to-Read Version

6 सिय्योन क तू पचन्क मँ स कछू क जिन्नगी बहोत अराम क अहइ।
    सामरिया पर्वत क कछू लोग अपने क सुरच्छित महसूस करत हीं।
मुला तू पचन पइ अनेक मुसीबतन अइहीं।
    रास्ट्रन क सब स उत्तिम नगर क तू पचे सम्मानित लोग अहा।
    “इस्राएल क लोग” निआव पावइ बरे तोहरे पचन्क लगे आवत हीं।
² जा अउ कलने क लखा।
    हुआँ स बिसाल नगर हमात क जा।
    पलिस्ती सहर गत क जा।
का तू पचे इ सबइ राज्यन स बढ़िया अहा? नाहीं।
    ओनकर पहँटा तोहरे पचन्क देसे स बड़का अहइँ।
³ जब तू हिंसा क जरिये सासन करत ह
    तउ तू सज़ा क दिना बरे सोचइ स इन्कार करत जउन कि आवत ह।
⁴ मुला तू पचे सबहिं बिलासन क भोगा करत अहा।
    तू पचे हाथी दाँते क सेज पइ सोवत अहा अउर अपने बिछौना पइ आराम करत अहा।
तू पचे गोरूअन क झुण्ड मँ स नरम मेमनन
    अउ बाड़न मँ स नवा बछवा खात अहा।
⁵ तू पचे आपन वीणन क बजावत अहा
    अउर राजा दाऊद क नाईं संगीत क धन बनावत ह।
⁶ तू पचे सुन्नर पिआलन मँ दाखरस पिआ करत अहा।
    तू पचे सब स उत्तिम तेलन मँ स आपन मालिस करत अहा
अउर तू पचन्क एकरे बरे घबराहट भी नाहीं
    कि यूसुफ क परिवार नस्ट कीन्ह जात अहइ।

“मइँ ओन बातन स घिना करत हउँ जेन पइ याकूब क गर्व अहइ।
    मइँ ओकर मजबूत मीनारन स घिना करत हउँ।
एह वरे मइँ दुस्मन क सहर
    अउर सहर क हर एक चीज लेइ देबउँ।”

¹¹ लखा, परमेस्सर यहोवा हुकुम देइ
    अउर बिसाल महल टूका-टूका कीन्ह जइहीं
    अउर नान्ह घर नान्ह नान्ह टूकन मँ तोरा जइहीं।
¹² का घोड़न सिलाखंडन पइ दउड़त हीं? नाहीं।
    का लोग समुदर क बर्धन स जोत सकत हीं? नाहीं।
तउ भी तू पचे हर चीज क उलट-पलट देत अहा।
    तू पचे अच्छाई अउ निआव क जहर मँ बदल देत अहा।
¹³ तू पचे लौ-देवरे मँ खुस अहा, तू पचे कहत अहा,
    “हम पचे करनैम क आपन सक्ति स जीता ह।”