A A A A A
Bible Book List

अय्यूब 15Nepali Bible: Easy-to-Read Version (ERV-NE)

एलीपजले अय्यूबलाई जवाफ दिंदछ

15 त्यसपछि तेमानीबाट आएका एलीपजले अय्यूबलाई जवाफ दिएः

“अय्यूब, यदि तिमी साँच्चि नै ज्ञानी हुँदो हौ त
    तिमीले यसरी आफ्ना अर्थहीन व्यक्तिगत विचारहरूले जवाफ दिने थिएनौ।
    तिमी किन आफैंलाई तातो हावाले भराई रहन्छौ?
के तिमी सोच्दछौ कि एकजना ज्ञानी मानिससित त्यस्तो बेकामे तर्क
    अनि त्यस्ता विवेकशुन्य क्षमा-याचना हुन्छ।
अय्यूब, यदि तिमीले यस्तै गर्दै गयौ भने
    कसैले पनि परमेश्वरलाई श्रद्धा अनि आराधना गर्ने छैन।
जे कुराहरू तिमीले भन्छौ त्यसले तिम्रो पाप छर्लङ्ग देखाउँछ।
    अय्यूब, तिमीले चतुर शब्दहरू चलाएर आफ्नो पापहरू छोप्न खोजिरहेछौ।
म तिमी गल्ती छौ भनेर प्रमाणित गर्न खोज्दिनँ।
    तिमीले आफ्नो मुखबाट उच्चारण गरेका शब्दहरूले नै तिमी गल्ती भएको देखाउँछ।
    तिम्र ओठहरू तिम्रै विरूद्ध बोल्छ।

“अय्यूब, के तिमी सोच्छौ कि प्रथम जन्मिने मानिस तिमी मात्र थियौ?
    तिमी यो पहाडहरू भन्दा पहिल्यै जन्मेका थियौ?
के तिमीले परमेश्वरको गोप्य योजनाहरू सुन्यौ?
    के तिमी आफै मात्र ज्ञानी मानिस भनेर सोच्छौ?
अय्यूब, तिमीले गरे भन्दा धेरै कुराहरू हामी जान्दछौ
    हामी बुझ्छौ अनि त्यही तिमी बुझ्दैनौ
10 केश सेतै पाकेका बूढा-पाकाहरू हामीसँग सहमत छन्।
    हो, तिम्रा बाबु भन्दा जेठा मानिसहरू हाम्रो पक्षमा छन।
11 परमेश्वरले तिमीलाई सान्तवना दिनु हुन्छ
    तर त्यति मात्र तिमीलाई प्रशस्त छैन
हामी परमेश्वरको सन्देश तिमीलाई शिष्ट भाषामा भन्छौ।
12 अय्यूब, तिमी किन बुझ्दैनौ?
    किन हामी सत्य देख्दैनौ?
13 जब तिमी त्यस्ता क्रोधपूर्ण शब्दहरू भन्छौ,
    तिमी परमेश्वरको विरूद्धमा छौ।

14 “मानिस साच्चै नै निर्दोष हुन सक्तैन।
    मानिस परमेश्वर भन्दा धर्मी हुन सक्तैन।
15 परमेश्वरले आफ्ना दूतहरूलाई त विश्वास गर्नुहुन्न।
    परमेश्वरसँग तुलना गर्दा स्वर्गसम्म निर्दोष छैन।
16 मानिस अत्यन्तै निम्न हुन्छ।
    मानिस मैलो र भ्रष्ट छ।
    उसले अधर्म पानी सरह पिउँछ।

17 “मेरो कुरा ध्यान दिएर सुन अय्यूब,
    अनि म यो तिमीलाई व्याख्या गर्नेछु।
    मैले के बुझें त्यही तिमीलाई भन्नेछु।
18 म तिमीलाई ती कुराहरू भन्नेछु,
    जुन ज्ञानी मानिसहरूले मलाई भनेका छन्
    ती ज्ञानी मानिसहरूका पिता-पुर्खाहरूले
ती कुराहरू तिनीहरूलाई भनेका हुन्।
19 तिनीहरू मात्र आफ्ना देशमा बस्थे।
त्यहाँ कुनै विदेशीहरू बसोवास गर्न पाउँदैन थिएँ,
    यसकारण तिनीहरूलाई कसैले नौलो विचारहरू भनेन्।
20 दुष्ट मानिसहरूले आफ्नो सम्पूर्ण जीवनभरी कष्ट पाइरहन्छ।
    निष्ठूर मानिस जीवनभरी नै प्रत्येक साल शिकार भइरहन्छ।
21 प्रत्येक कोलाहलले उसलाई तर्साउँछ।
उसका शत्रुहरूले उसलाई सताउँछ,
    शत्रुले आक्रमण गर्छ जब उसले आफूलाई सुरक्षित सम्झन्छ।
22 दुष्ट मानिसहरू अत्यन्त निराश हुन्छन्,
अनि अन्धकारदेखि छुटकारा पाउने तिनीहरूसँग कुनै मौका नै हुँदैन।
    त्यहाँ कतै तिनीहरूलाई मार्नका लागि तरवार छ।
23 रोटीको खोजीमा ‘त्यो कहाँ छ’ भनी यता उता घुमिरहन्छ।
    उसले जान्दछ कि उसको मृत्यु अब नजिक छ।
24 चिन्ता र पीडाहरूले उसलाई भयभीत बनाउँछ।
    राजा ध्वंश गर्न तम्से जस्तो ती कुराहरूले तिनीहरूलाई आक्रमण गर्छ।
25 किनभने दुष्ट मानिसहरूले परमेश्वरलाई मान्नु अस्वीकार गर्छ
    उसले आफ्नो मुक्का परमेश्वरमा नचाउँछ,
    अनि सर्वशक्तिमान परमेश्वरलाई पराजित गर्ने कोशिश गर्छ।
26 त्यो दुष्ट मानिस साह्रै हठी हुन्छ।
    उसले मोटो बलियो ढालसँग परमेश्वरलाई आक्रमण गर्ने कोशिश गर्छ।
27 उसको अनुहार बोसोले ढाकिएको छ।
धनी अनि मोटा भएको छ।
28 तर उसको शहर ध्वंश हुनेछ,
    उसको घर ध्वंश हुनेछ,
    उसको घर रित्तो हुनेछ।
29 दुष्ट मानिस सधैँलाई धनी भई रहँदैन।
    उसको सम्पत्ति सधैँलाई रहँदैन
    उसको अन्नबालि सबै उम्रिंन्दैन।
30 ती दुष्ट मानिस अंन्धकार देखि मुक्त हुनेछैन।
    उ त्यस्तो रूख सरह हुनेछ जसका पातहरू रोगबाट झर्छ।
    अनि बतासले सबै उडाई लैजाईनेछ।
31 दुष्ट मानिसले स्वयंलाई मूर्ख बनाउनु पर्दैन,
जब उसले महत्वहीन कुराहरूमा विश्वास गर्छ।
    किनभने उसले केही पनि पाउँने छैन।
32 उसको जीवन अन्त हुन अघि नै त्यो दुष्ट मानिस बृद्ध र निराश भइजान्छ।
    उ सुकेको हाँगा जस्तो हुन्छ, फेरि कहिल्यै हरियो हुनेछैन।
33 त्यो दुष्ट मानिस दाखको रूख जस्तो हुनेछ,
जसले पाक्न अघिनै दाख गुमाउँछ।
    त्यो मानिस भद्राक्षेको रूख जस्तै हुनेछ जसले आफ्नो कोपिलाहरू गुमाउँछ।
34 किनभने परमेश्वर नभए मानिसहरूसँग केही पनि रहँदैन।
    मानिसहरू जसले पैसालाई प्रेम गर्छ आगोले आफ्नो घर खरानी बनाउँछ।
35 दुष्ट मानिसहरूले कष्ट गर्भधारण गर्छन्, दुष्ट्याईं जन्माउँछन्
    अनि तिनीहरूको कोखले खाली कपट उब्जाउँछ।”

Nepali Bible: Easy-to-Read Version (ERV-NE)

2010 by World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes