یەشوع 21

Kurdi Sorani Standard

⁹ لە هۆزی نەوەی یەهودا و هۆزی نەوەی شیمۆن ئەم شارۆچکانەیان دا کە ئەمانە ناوەکانیان بوون، ¹⁰ جا ئەم شارۆچکانە بۆ نەوەی هارون دیاری کرا لە خێڵەکانی قەهاتییەکان لە نەوەی لێڤی، چونکە تیروپشکی یەکەم بۆ ئەوان بوو:

¹¹ قیریەت ئەربەع باپیرە گەورەی عەناق کە حەبرۆنە لە ناوچە شاخاوییەکانی یەهودا لەگەڵ لەوەڕگاکانی دەوروبەری، ¹² بەڵام کێڵگەکان و گوندەکانی دەوروبەری شارەکەیان بە کالێبی کوڕی یەفونە دا وەک موڵکی خۆی.

¹³ بە نەوەی هارونی کاهین حەبرۆن و لەوەڕگاکانیان دا، کە شارێکی پەناگای تۆمەتبارکراوان بە کوشتن بوو، لەگەڵ لیڤنا، ¹⁴ یەتیر، ئەشتەمۆع، ¹⁵ حۆلۆن، دەڤیر، ¹⁶ عەین، یوتا و بێت‌شەمەش، نۆ شارۆچکە بە لەوەڕگاکانیانەوە لەم دوو هۆزە^[a].

¹⁷ لە هۆزی بنیامینیش گبعۆن و گەڤەع و ¹⁸ عەناتۆت و عەلمۆن، چوار شارۆچکە بە لەوەڕگاکانیانەوە.

¹⁹ هەموو شارۆچکەکانی نەوەی هارون کە کاهینەکانن، سێزدە شارۆچکە بوون بە لەوەڕگاکانیانەوە.

²⁰ پاشماوەی خێڵەکانی قەهات لە لێڤییەکان، بە تیروپشک ئەم شارۆچکانەیان لە هۆزی ئەفرایم بەرکەوت:

²¹ لە ناوچە شاخاوییەکانی ئەفرایم شارۆچکەی شەخەمیان پێدرا، کە شارێکی پەناگای تۆمەتبارکراوان بوو بە کوشتن، لەگەڵ گەزەر و ²² قیڤچەیم و بێت‌حۆرۆن، چوار شارۆچکە بە لەوەڕگاکانیانەوە.

²³ لە هۆزی دانیش ئەمانەیان وەرگرت: ئەلتەقێ و گیبەتۆن و ²⁴ ئەیالۆن و گەت ڕیمۆن، چوار شارۆچکە بە لەوەڕگاکانیانەوە.

²⁵ لە نیوەی هۆزی مەنەشەش ئەمانەیان وەرگرت: تەعنەک و گەت ڕیمۆن، دوو شارۆچکە بە لەوەڕگاکانیانەوە.

²⁶ هەموو شارۆچکەکان دە بوون بە لەوەڕگاکانیانەوە بۆ پاشماوەی خێڵەکانی نەوەی قەهات بوو.

²⁷ بۆ نەوەی گێرشۆنیش لە خێڵەکانی لێڤییەکان:

لە نیوەی هۆزی مەنەشەوە:

گۆلان و لەوەڕگاکانی پێدرا لە باشان، کە شارێکی پەناگای تۆمەتبارکراوان بە کوشتن بوو، لەگەڵ بەعەشتەرا و لەوەڕگاکانی، دوو شارۆچکە.

²⁸ لە هۆزی نەوەی یەساخاریش ئەمانەیان وەرگرت:

قیشیۆن و داڤەرەت و ²⁹ یەرموت و کانی گەنیم، چوار شارۆچکە بە لەوەڕگاکانیانەوە.

³⁰ لە هۆزی نەوەی ئاشێریش ئەمانەیان وەرگرت:

میشال و عەڤدۆن و ³¹ حەلقەت و ڕەحۆڤ، چوار شارۆچکە بە لەوەڕگاکانیانەوە.

³² لە هۆزی نەفتالیش ئەمانەیان وەرگرت:

قەدەش، شاری پەناگای تۆمەتبارکراوان بە کوشتن، لە جەلیل، لەگەڵ حەمۆت دۆر و قەرتان، سێ شارۆچکە بە لەوەڕگاکانیانەوە.

³³ هەموو شارۆچکەکانی گێرشۆنییەکان بەگوێرەی خێڵەکانیان، سێزدە شارۆچکە بوون بە لەوەڕگاکانیانەوە.

³⁴ بۆ خێڵەکانی نەوەی مەراریش کە پاشماوەی لێڤییەکانن:

لە هۆزی زەبولون ئەمانەیان پێدان:

یۆقنەعام و قەرتا و ³⁵ دیمنا و نەهەلال، چوار شارۆچکە بە لەوەڕگاکانیانەوە.

³⁶ لە هۆزی ڕەئوبێنیش ئەمانەیان پێدان:

بەچەر و یەهەچ و ³⁷ قەدێمۆت و مێفەعەت، چوار شارۆچکە بە لەوەڕگاکانیانەوە.

³⁸ لە هۆزی گادیش ئەمانەیان وەرگرت:

ڕامۆت، شاری پەناگای تۆمەتبارکراوان بە کوشتن، لە گلعاد، لەگەڵ مەحەنەیم و ³⁹ حەشبۆن و یەعزێر، هەموو شارۆچکەکان بە لەوەڕگاکانیانەوە چوار شارۆچکە بوون.

⁴⁰ جا هەموو ئەو شارۆچکانەی بۆ نەوەی مەراری بوون بەگوێرەی خێڵەکانیان، ئەوانەی لە خێڵەکانی لێڤییەکان مابوونەوە، تیروپشکەکەشیان دوازدە شارۆچکە بوو.