A A A A A
Bible Book List

عبرانیوں 1Urdu Bible: Easy-to-Read Version (ERV-UR)

خدا کا اپنے بیٹے کے ذریعے بات کر نا

ما ضی میں خدا نے ہمارے باپ داداؤں سے کئی موقعوں پر کئی مرتبہ کئی طریقوں سے نبیوں [a] کی معرفت کلام کیا۔ لیکن ان آخری دنوں میں خدا نے پھر ہم سے اپنے بیٹے کی معرفت کلام کیا۔ اس نے اسکے وسیلے سے ساری دنیا کی تخلیق کی اور اسے ساری چیزوں کا وارث ٹھہرا یا۔ اور بیٹا خدا کے جلال کا اظہار ہے خدا کی فطرت کا کامل مظہر ہے بیٹا تمام چیزوں کو اپنی قدرت کے کلام سے سنبھالتا ہے- وہ لوگوں کے گناہوں کو دھو کر آسمان میں خدا کے پاس داہنی طرف جا بیٹھا۔ خدا نے اسکو اتنا بڑا اور عظیم نام دیا ایسا نام اس نے کسی فرشتہ کو بھی نہیں دیا اسطرح اسکی عظمت فرشتوں سے بڑھکر ہو ئی۔

خدا نے یہ باتیں کسی فرشتے سے نہیں کہیں کہ:

“تم میرے بیٹے ہو
    آج میں تیرا باپ بن گیا”[b]

اور خدا نے یہ بھی کبھی کسی فرشتے سے نہیں کہا ،

“میں اس کا باپ ہو نگا
    اور وہ میرا بیٹا ہو گا” [c]

اور جب خدا پہلو ٹھے [d] بیٹے کو دنیا میں لایا تو کہا،

“خدا کے سب فرشتے اسے سجدہ کریں۔” [e]

اور فرشتوں کی بابت یہ کہتا ہے کہ:

“خدا اپنے فرشتوں کو ہوا [f] کی مانند بنا تا ہے
    اور اپنے خادموں کو آ گ کے شعلوں کی طرح بناتا ہے” [g]

لیکن خدا نے اپنے بیٹے کو یہ کہا:

“اے خدا تیرا تخت ہمیشہ ہمیشہ کے لئے رہیگا۔
    تمہاری بادشاہت میں انصاف کے ساتھ تم حکو مت کروگے۔
تو نے انصاف سے محبت رکھی ،اور بدی سے نفرت۔
    اسی سبب سے خدا یعنی ہمارے خدا نے خوشی کے تیل سے
    تیرے ساتھیوں کی بہ نسبت تجھے زیادہ مسح کیا۔” [h]

10 خدا نے یہ بھی کہا:

“اے خدا وند! تو نے ابتدا میں زمین کی بنیاد رکھی
    اور آسمان تیرے ہاتھ کی کاریگری ہے۔
11 یہ تمام چیزیں غائب ہو جائیں گی لیکن تو باقی رہے گا
    اور سب چیزیں ایسی ہی پرا نی ہو جائیں گی جس طرح کپڑ ے
12 تم اس کو کوٹ کی مانند لپیٹ دو گے۔
    اور وہ کپڑوں میں تبدیل ہو جائینگے۔
لیکن تم کبھی نہیں بدل پاؤگے۔
    اور ہمیشہ کے لئے رہوگے۔” [i]

13 اور خدا نے فرشتوں میں سے کسی کے بارے میں یہ کبھی نہیں کہا:

“میری داہنی جانب بیٹھو
    جب تک کہ میں تیرے دشمنوں کو تیرے پاؤں تلے کی چوکی نہ کر دوں” [j]

14 تمام فرشتے روح ہیں جو خدا کی خدمت کر تے ہیں وہ ان لوگوں کی مدد کے لئے بھیجے جاتے ہیں۔جو نجات کی میراث پا نے والے ہیں۔

Footnotes:

  1. عبرانیوں 1:1 نبیوں یہ لوگ خدا کے بارے میں بولتے ہیں کچھ کتابوں میں لکھا ہے جو قدیم عہد نامہ کا حصہ ہے ۔
  2. عبرانیوں 1:5 زبور۲:۷
  3. عبرانیوں 1:5 ۲سموئیل۷:۱۴
  4. عبرانیوں 1:6 پہلوٹھا خاندان میں پہلے پیدا ہونے والا پہلا لڑکا
  5. عبرانیوں 1:6 استثناء۳۲:۴۳
  6. عبرانیوں 1:7 ہوا اسکے بھی معنی ہیں “روحیں”
  7. عبرانیوں 1:7 زبور۱۰۴:۴
  8. عبرانیوں 1:9 زبور۴۵:۶۔۷
  9. عبرانیوں 1:12 زبور۱۰۲:۲۵۔۲۷
  10. عبرانیوں 1:13 زبور۱۱۰:۱
Urdu Bible: Easy-to-Read Version (ERV-UR)

2007 by World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes