A A A A A
Bible Book List

زبُور 59Urdu Bible: Easy-to-Read Version (ERV-UR)

موسیقی کے ہدایت کا ر کے لئے التثخیت کے سُر پر دا ؤد کا نغمہ۔مکتام اُس وقت کا جب ساؤل نے لوگ بھیجے اور انہوں نے اُس کے گھر پر پہرہ لگا دیا تا کہ اُسے ما رڈا لیں

59 اے خداوند تو مجھ کو میرے دشمنوں سے بچا لے ان لوگوں کو شکست دینے میں میری مدد کر
    جو میرے خلاف لڑنے کے لئے آئے ہیں۔
بدکرداروں سے تو مجھ کو چھڑا۔
    توُ اُن قاتلوں سے مجھ کو بچا، جو بُرے کاموں کو کر تے رہتے ہیں۔
دیکھ ! میری گھات میں طا قتور لوگ ہیں۔
    وہ مجھے مارڈالنے کے منتظر ہیں۔
    اسلئے نہیں کہ میں نے کو ئی خطا کی، یا مجھ سے کو ئی جرم سرزد ہو ئی ہے۔
وہ میرے پیچھے پڑے ہیں، لیکن میں نے کوئی بُرا کام نہیں کیا ہے۔
    اے خداوند،آ! توُ خود اپنے آپ دیکھ لے۔
اے خداوند تو خدا قادر مطلق اسرائیل کا خدا ہے تو اٹھ اور اُن لوگوں کو سزا دے۔
    اُن دغابازوں اُن بدکرداروں پر رحم نہ کر۔
یہ بُرا کام کرنے وا لے شام میں شہر کے اندر آتے ہیں۔
    اور غرّاتے کتّوں کی طرح شہر میں گھومتے رہتے ہیں۔
تو ان کی تحقیر اور دھمکیوں کو سُن۔
    وہ ظالما نہ باتیں کرتے ہیں۔
    وہ اِس بات کی پرواہ تک نہیں کرتے کہ اُن کو کون سنتا ہے۔
اے خداوند، تو اُن پر ہنس۔
    اُن سبھی لوگوں کا مذاق اڑا۔
    اے خدا! میں تیری ستائش میں اپنا نغمہ گاتا ہوں۔ [a]
    اے خدا! توُ بلند پہا ڑوں پر میری محُفوظ پناہ گاہ ہے۔
10 خدا مجھ سے محبت کرتا ہے وہ فتح کر نے میں میری مدد کرے گا۔
    وہ میرے دشمنوں کو شکست دینے میں میری مدد کرے گا۔
11 اے خدا ! اُن کو قتل مت کر ، ورنہ ہو سکتا ہے میرے لوگ بھول جا ئیں۔
    اے میرے خدا اور میرے محا فظ توُ اپنی قدرت سے اُن کو بکھیر دے اور انہیں شکست دے۔
12 وہ بُرے لوگ کوستے اور جھوٹ بولتے رہتے ہیں۔
    اُن خطاؤں کی سزا اُن کو دے، جو انہوں نے کی ہیں۔
    ان کو اپنے غرور میں پھنسنے دے۔
13 توُ اپنے غضب سے اُن کو نیست و نابودکر۔
    انہیں پوری طرح برباد کر!
تب رُوئے زمین کے لوگ جا نیں گے
    کہ خدا اسرائیل میں حکو مت کرتا ہے۔ [b]

14 وہ بُرے لوگ شام میں شہر میں آئیں گے اور کتّے کی طرح بھونکیں گے
    اور شہر کے ارد گرد بھٹکتے پھریں گے۔
15 تو وہ کھا نے کے لئے کو ئی چیز ڈھوندتے پھریں گے۔
    اور کھانے کو کچھ بھی نہیں پا ئیں گے ، اور نہ ہی سونے کی کو ئی جگہ پا ئیں گے۔
16 لیکن میں تیری قدرت کا گیت گاؤں گا۔
    ہر صبح میں تیری چاہت میں خوش ہوں گا۔
کیوں؟ کیوں کہ توُ پہا ڑوں کے اوپر میری پنا ہ گاہ ہے۔
    میں تیرے پاس آسکتا ہوں ، جب مجھے مصیبتیں گھیریں گی۔
17 میں تیری مدح سرائی کروں گا ،
    کیوں کہ پہا ڑوں کے اوپر تو میری پناہ گاہ ہے۔
    تو خدا ہے، جو مجھ سے محبت کرتا ہے۔

Footnotes:

  1. زبُور 59:9 میں تیری ․․․․ نغمہ گا تا ہوں یا ”میری طاقت، میں تیری اُمید کر رہا ہوں”
  2. زبُور 59:13 تب روئے زمین … کر تا ہے تب لوگ جانیں گے کہ خدا یعقوب اور ساری سلطنت پر حکومت کر ے گا۔
Urdu Bible: Easy-to-Read Version (ERV-UR)

2007 by World Bible Translation Center

  Back

1 of 1

You'll get this book and many others when you join Bible Gateway Plus. Learn more

Viewing of
Cross references
Footnotes