امثال 7

Urdu Bible: Easy-to-Read Version

حکمت تمہیں بد کاری سے دور رکھتی ہے

7 میرے بیٹے ! میری باتیں یاد رکھ میں نے جو نصیحتیں کی ہیں انہیں مت بھول۔ ² میرے احکام کی تعمیل کر اور تب تو جئے گا۔ میری تعلیمات کی نگہبانی اپنی آنکھ کی پتلی کی طرح کر۔ ³ اسے اپنی انگلیوں میں باندھ اور اسے اپنے دل میں لکھ لے۔ ⁴ حکمت سے کہو : “ تم میری بہن ہو ” اور سمجھ کو اپنا رشتے دار سمجھو۔ ⁵ وہ تمہاری دوسرے آدمی کی بیوی سے ایک بد کار بیوی جو میٹھی میٹھی باتیں کرتی ہے اس سے نگہبانی کریں گی۔

⁶ کیوں کہ ایک دن میں نے اپنی کھڑ کی سے باہر پر دہ سے دیکھا ، ⁷ اور میں نے نادانوں کے درمیان ، نوجوانوں کے درمیان ایک لڑ کے کو دیکھا جسے عقل کی کمی تھی۔ ⁸ وہ گلی میں چل رہا تھا ، وہ اپنے گھر کی طرف جاتے ہوئے اپنے کونے سے گزرا۔ ⁹ اس وقت غالباً اندھیرا تھا سورج غروب ہو رہا تھا اور شام شروع ہو رہی تھی۔ ¹⁰ تب ایک عورت اس سے ملنے کیلئے باہر آئی۔ وہ فاحشہ کی طرح لباس پہنے ہوئے تھی۔ وہ اس جوان کو پھنسانے کا منصوبہ بنا چکی تھی۔ ¹¹ وہ عریاں اور بڑی باغی تھی اس کا پیر گھر میں نہیں ٹکا رہا۔ ¹² اب وہ گلی میں ہے ، اب وہ چوراہے پر ہے ، ہر ایک کونے پر گھات میں لگ کر انتطار میں ہے۔ ¹³ اس نے لڑ کے کو پکڑ لیا ، اسے چو ما اور بے شر می سے اسکی آنکھوں میں دیکھ کر کہا ، ¹⁴ “ آج مجھے اپنی ہمدردی کا نذرانہ دینا تھا اور میں نے منت پوری کر لی اور جو میں نے وعدہ کیا وہ پورا کر لیا۔ ¹⁵ اس لئے میں تجھ سے ملنے باہر آئی میں نے تم کو تلاش کیا اور اب میں نے تم کو پا لیا۔ ¹⁶ میں نے صاف چادروں سے اپنے بستر کو سجا یا ہے جو بہت بہترین مصر کی چادریں ہیں۔ ¹⁷ میں نے بستر کو خوشبو سے بسا یا ہے۔ لوبان مصبّر اور دار چینی سے معطر کیا ہے۔ ¹⁸ تو میرے پاس آ تاکہ ہم لوگ رات بھر لطف اندوز ہوں اور محبت کر کے آسودہ ہو جاؤں۔ ^19-20 میرا شو ہر گھر پر نہیں ہے وہ ایک لمبا سفر پر گیا ہے اور وہ ہفتے تک گھر نہیں آئے گا۔”

²¹ اس نے اپنی چاپلو سی کی باتوں سے اس کو گمراہی کی طرف لے گئی ہے۔ اپنی میٹھی میٹھی باتوں سے اسکو پھسلا ئی ہے۔ ²² وہ لڑ کا فوراً ہی اسکے پیچھے ایسے ہو لیا جیسے ایک بیل کو ذبح کر نے کے لئے لے جایا جاتا ہو ، ایک ہرن پھندے میں قدم رکھتا ہو۔ ²³ ایک شکاری کی طرح جو اس کے دل میں تیر پیوست کرے اس لڑ کے کی حا لت ایک پرندہ کی طرح تھی جو اڑ کر جال میں آگیا وہ نہیں جانتا تھا کہ وہ کس خطرہ میں آپڑا ہے۔

²⁴ اس لئے اب اے بیٹو! سنو! میری باتوں پر غور کرو۔ ²⁵ اپنے دل کو اسکی راہ میں مت گر نے دو اور انکی راہ پر مت بھٹکو۔ ²⁶ اس نے بہتوں کو گرا یا ہے۔ اس نے بہت سارے لوگوں کو مارا ہے۔ ²⁷ اس کا گھر قبر کی طرف جانے والی ایک شاہراہ ہے۔ اسکی راہ سیدھے موت کی طرف لےجاتی ہے۔