Mga Awit 61-65

Ang Biblia (1978)

61 Dinggin mo ang aking daing, Oh Dios;
Pakinggan mo ang aking dalangin.
² Mula sa wakas ng lupa ay tatawag ako sa iyo, pagka nanglupaypay ang aking puso:
Patnubayan mo ako sa malaking bato na lalong mataas kay sa akin.
³ Sapagka't ikaw ay naging aking kanlungan,
^(A)Matibay na moog sa kaaway.
^4 (B)Ako'y tatahan sa iyong tabernakulo magpakailan man:
Ako'y manganganlong sa lilim ng iyong mga pakpak. (Selah)
⁵ Sapagka't dininig mo, Oh Dios, ang aking mga panata: Ibinigay mo ang mana sa nangatatakot sa iyong pangalan.
^6 (C)Iyong pahahabain ang buhay ng hari:
Ang kaniyang mga taon ay magiging parang malaong panahon.
⁷ Siya'y tatahan sa harap ng Dios magpakailan man: Oh maghanda ka ng kagandahang-loob ^(D)at katotohanan, upang mapalagi siya.
⁸ Sa gayo'y aawit ako ng pagpuri sa iyong pangalan magpakailan man.
^(E)Upang maisagawa ko araw-araw ang aking mga panata.

62 Sa ^(F)Dios lamang naghihintay ng tahimik ang aking kaluluwa:
Sa kaniya galing ang aking kaligtasan.
² Siya lamang ang aking kanlungan at aking kaligtasan:
Siya ang ^(G)aking matayog na moog; hindi ako lubhang makikilos.
³ Hanggang kailan maghahaka kayo ng masama laban sa isang tao.
Upang patayin siya ninyong lahat,
^(H)Na gaya ng pader na tumagilid, o bakod na nabubuwal?
⁴ Sila'y nagsisisangguni lamang upang ibagsak siya sa kaniyang karilagan;
Sila'y natutuwa sa mga kasinungalingan:
Sila'y nagsisibasbas ng kanilang bibig, ^(I)nguni't nanganunumpa sa loob. (Selah)
⁵ Kaluluwa ko, maghintay kang tahimik sa Dios lamang;
Sapagka't ang aking pagasa ay mula sa kaniya.
⁶ Siya lamang ang aking malaking bato at aking kaligtasan:
Siya'y aking matayog na moog; ^(J)hindi ako makikilos.
^7 (K)Nasa Dios ang aking kaligtasan at aking kaluwalhatian;
Ang malaking bato ng aking kalakasan, at ang kanlungan ko'y nasa Dios.
⁸ Magsitiwala kayo sa kaniya buong panahon, kayong mga bayan;
^(L)Buksan ninyo ang inyong dibdib sa harap niya;
Dios ay kanlungan sa atin. (Selah)
^9 (M)Tunay na walang kabuluhan ang mga taong may mababang kalagayan, at ang mga taong may mataas na kalagayan ay kabulaanan:
Sa mga timbangan ay sasampa sila;
Silang magkakasama ay lalong magaan kay sa walang kabuluhan.
¹⁰ Huwag kang tumiwala sa kapighatian,
At huwag maging walang kabuluhan sa pagnanakaw:
^(N)Kung ang mga kayamanan ay lumago, huwag ninyong paglalagakan ng inyong puso.
¹¹ Ang Dios ay nagsalitang ^(O)minsan,
Makalawang aking narinig ito;
^(P)Na ang kapangyarihan ay ukol sa Dios:
¹² Sa iyo naman, Oh Panginoon, ukol ang ^(Q)kagandahang-loob:
Sapagka't ^(R)ikaw ay nagbabayad sa bawa't tao ayon sa kaniyang gawa.

63 Oh Dios, ikaw ay Dios ko; hahanapin kitang ^(T)maaga:
Kinauuhawan ka ^(U)ng aking kaluluwa, pinananabikan ka ng aking laman,
Sa isang tuyo at uhaw na lupa na walang tubig.
² Sa gayo'y tumingin ako sa iyo sa santuario.
Upang tanawin ang ^(V)iyong kapangyarihan at ang iyong kaluwalhatian.
^3 (W)Sapagka't ang iyong kagandahang-loob ay mainam kay sa buhay:
Pupurihin ka ng aking mga labi.
⁴ Sa gayo'y pupurihin ^(X)kita habang ako'y nabubuhay:
^(Y)Igagawad ko ang aking mga kamay sa iyong pangalan.
⁵ Ang kaluluwa ko'y matutuwa na gaya sa utak at taba;
At ang bibig ko'y pupuri sa iyo ng masayang mga labi;
⁶ Pagka ^(Z)naaalaala kita sa aking higaan,
At ginugunita kita sa pagbabantay sa gabi.
⁷ Sapagka't naging katulong kita,
At ^(AA)sa lilim ng mga pakpak mo'y magagalak ako.
⁸ Ang kaluluwa ko'y nanununod na mainam sa iyo:
Inaalalayan ako ng iyong kanan.
⁹ Nguni't ang nagsisihanap ng kaluluwa ko, upang ipahamak,
Magsisilusong sa mga lalong ^(AB)mababang bahagi ng lupa.
¹⁰ Sila'y mangahuhulog sa kapangyarihan ng tabak:
Sila'y magiging pagkain sa mga zorra.
¹¹ Nguni't ^(AC)ang hari ay magagalak sa Dios:
Bawa't sumusumpa sa pamamagitan niya ay ^(AD)luluwalhati;
Sapagka't ^(AE)ang bibig nila na nagsasalita ng mga kasinungalingan ay patitigilin.

64 Dinggin mo ang tinig ko. Oh Dios, sa aking hibik:
Ingatan mo ang buhay ko sa pagkatakot sa kaaway.
² Ikubli mo ako sa lihim na payo ng mga manggagawa ng kasamaan;
Sa panggugulo ng mga manggagawa ng kasamaan:
^3 (AF)Na siyang nangaghasa ng kanilang dila na parang tabak,
At pinahilagpos ang kanilang mga ^(AG)palaso, sa makatuwid baga'y ang masasakit na salita:
⁴ Upang kanilang maihilagpos sa sakdal sa mga lihim na dako:
Biglang inihihilagpos nila sa kaniya at hindi natatakot.
⁵ Sila'y nagpapakatapang sa masamang akala;
Sila'y nagsasangusapan ng paglalagay ng lihim na silo;
Sinasabi nila, ^(AH)Sinong makakakita?
⁶ Sila'y nagsisipagsiyasat ng mga kasamaan;
Aming naganap, sabi nila, ang masikap na pagsiyasat;
At ang pagiisip sa loob ng bawa't isa, at ang puso ay malalim.
^7 (AI)Nguni't pahihilagpusan sila ng Dios;
Sila'y masusugatang bigla ng isang palaso.
⁸ Sa gayo'y sila'y ^(AJ)matitisod palibhasa't ang kanilang sariling dila ay laban sa kanila:
Ang lahat na makakita sa kanila ay ^(AK)mangaguuga ng ulo.
⁹ At lahat ng mga tao ay ^(AL)mangatatakot;
At kanilang ipahahayag ang salita ng Dios,
At may karunungang kanilang bubuhayin ang kanilang gawa.
¹⁰ Ang matuwid ay ^(AM)matutuwa sa Panginoon, at manganganlong sa kaniya;
At lahat ng mga matuwid sa puso ay magsisiluwalhati.

65 Ang kapurihan ay naghihintay sa iyo, Oh Dios, sa Sion:
At sa iyo'y maisasagawa ang panata.
² Oh ikaw na dumidinig ng dalangin,
^(AN)Sa iyo'y paroroon ang lahat ng laman.
³ Mga kasamaan ay nangananaig laban sa akin:
Tungkol sa aming pagsalangsang, ay ^(AO)lilinisin mo.
^4 (AP)Mapalad ang tao na ^(AQ)iyong pinipili, at pinalalapit mo sa iyo,
^(AR)Upang siya'y makatahan sa iyong mga looban:
^(AS)Kami ay mangasisiyahan sa kabutihan ng iyong bahay,
Ng iyong banal na templo.
⁵ Sasagutin mo kami sa katuwiran sa pamamagitan ng mga kakilakilabot na bagay,
Oh Dios ng aming kaligtasan;
Ikaw na katiwalaan ng ^(AT)lahat na wakas ng lupa,
At nila na malayo sa dagat:
⁶ Na naglalagay na matibay ng mga bundok sa pamamagitan ng kaniyang kalakasan;
Palibhasa't nabibigkisan sa palibot ng kapangyarihan:
^7 (AU)Na nagpapatigil ng hugong ng mga dagat,
Ng hugong ng kanilang mga alon,
^(AV)At ng kaingay ng mga bayan.
⁸ Sila naman na nagsisitahan sa mga pinakadulong bahagi ay nangatatakot sa iyong mga tanda:
Ikaw ang nagbibigay galak sa pagbubukang liwayway at pagtatakip-silim.
^9 (AW)Iyong dinadalaw ang lupa, at ^(AX)dinidilig mo,
Iyong pinayayamang mainam;
^(AY)Ang ilog ng Dios ay puno ng tubig:
Iyong pinagtataanan sila ng trigo, pagka't inihanda mo ang lupa.
¹⁰ Iyong dinidilig ang kaniyang bungkal ng sagana;
Iyong pinapantay ang kaniyang mga bungkal;
Iyong mga pinalalambot ng ambon;
Iyong pinagpapala ang pagsibol niyaon.
¹¹ Iyong dinudulutan ang taon ng iyong kabutihan;
At ang iyong mga landas ay pumapatak ng katabaan.
¹² Nagsisipatak sa mga ^(AZ)pastulan sa ilang;
At ang mga burol ay nabibigkisan ng kagalakan.
¹³ Ang mga^[a] pastulan ay nangabihisan ng mga kawan;
Ang mga libis naman ay nangatatakpan ng trigo;
Sila'y magsisihiyaw sa kagalakan, sila naman ay nagsisiawit.