پەندەکانی سلێمان 24:23-34

Kurdi Sorani Standard

²⁶ وەڵامی ڕاست
    وەک ماچی لێوە.

²⁷ کاروباری خۆت لە دەرەوە ڕاپەڕێنە و
    لە کێڵگەکەت ئامادەی بکە،
    دوای ئەمە ماڵی خۆت بنیاد بنێ.

²⁸ بەبێ هۆ لە دژی دراوسێکەت شایەتی مەدە،
    بە لێوەکانت فێڵ مەکە.
²⁹ مەڵێ: «چی لێکردووم، ئاوای لێ دەکەم،
    سزای ئەو پیاوە بەپێی کردەوەکەی دەدەمەوە.»

³⁰ بەلای کێڵگەی پیاوی تەمبەڵ تێپەڕیم،
    بەلای ڕەزەمێوی کەسی تێنەگەیشتووش.
³¹ چقڵ هەمووی داگرتبوو،
    گەزگەزکە هەمووی داپۆشی بوو،
    کەڵەکە بەردەکانی ڕووخابوو.
³² تەماشام کرد و لە دڵی خۆمدا لێکم دایەوە،
    بینیم و وانەم لێ وەرگرت:
³³ کەمێک خەوتن، کەمێک خەواڵووبوون،
    کەمێکیش دەست تێکنان بۆ ڕاکشان،
³⁴ ئینجا هەژاریت وەک چەتە دێت،
    نەبوونیشت وەک چەکدار.