Mikka 3:9-12

Endagaano Enkadde nʼEndagaano Empya

^9 (A)Mumpulirize mmwe abakulembeze b’ennyumba ya Yakobo,
    Mmwe abafuzi b’ennyumba ya Isirayiri,
Mmwe abanyooma obwenkanya
    Ne mukyusa ekituufu ne mukifuula ekikyamu;
^10 (B)mmwe abazimbidde Sayuuni ku musaayi,
    Ne Yerusaalemi ne mugizimbira ku butali butuukirivu.
^11 (C)Abakulembeze be, balya enguzi ne basala omusango nga beekubiira,
    bakabona be, baggya ensimbi ku bantu balyoke bayigirize,
    ne bannabbi be, baagala okuwa obunnabbi nga bamaze kusasulwa.
Kyokka bajuliza Mukama nga boogera nti,
    “Mukama tali naffe?
    Tewali kinaatutuukako.”
^12 (D)Noolwekyo ku lwammwe,
    Sayuuni eririmibwa ng’ennimiro,
ne Yerusaalemi erifuuka ntuumu ya bifunfugu,
    n’akasozi okuli yeekaalu kafuuke ng’akabira akakutte.