Engero 4:18-27

Endagaano Enkadde nʼEndagaano Empya

^18 (A)Ekkubo ly’abatuukirivu liri ng’enjuba eyakavaayo,
    eyeeyongera okwaka okutuusa obudde lwe butangaalira ddala.
^19 (B)Naye ekkubo ly’ababi liri ng’ekizikiza ekikutte,
    tebamanyi kibaleetera kwesittala.

^20 (C)Mutabani wange wuliriza n’obwegendereza ebigambo byange;
    osseeyo omwoyo eri bye nkutegeeza;
^21 (D)ebigambo bino tebikuvangako,
    bikuumire ddala mu mutima gwo,
^22 (E)kubanga bya bulamu eri abo ababifuna,
    era biwonya omubiri gwabwe gwonna.
^23 (F)Ekisinga byonna kuuma omutima gwo,
    kubanga y’ensulo y’obulamu bwo.
²⁴ Weewalire ddala eby’obubambavu
    era n’okwogera ebya swakaba.
²⁵ Amaaso go gatunulenga butereevu,
    era otunulenga n’obumalirivu eyo gy’olaga.
^26 (G)Ttereeza bulungi amakubo go;
    okwate amakubo ageesigika gokka.
^27 (H)Tokyamanga ku mukono ogwa ddyo oba ogwa kkono;
    ebigere byo byewalenga ekkubo ekyamu.