Matthaeus 28:16-20

Biblia Sacra Vulgata

¹⁶ Undecim autem discipuli abierunt in Galilaeam in montem ubi constituerat illis Jesus.

¹⁷ Et videntes eum adoraverunt: quidam autem dubitaverunt.

¹⁸ Et accedens Jesus locutus est eis, dicens: Data est mihi omnis potestas in caelo et in terra:

¹⁹ euntes ergo docete omnes gentes: baptizantes eos in nomine Patris, et Filii, et Spiritus Sancti:

²⁰ docentes eos servare omnia quaecumque mandavi vobis: et ecce ego vobiscum sum omnibus diebus, usque ad consummationem saeculi.