Zacarias 9:14-10:1

Ang Biblia (1978)

¹⁴ At ang Panginoo'y makikita sa itaas nila; at lalabas ang kaniyang pana na parang kidlat; at ang ^(A)Panginoong Dios ay hihihip ng pakakak, at yayaon ^(B)na kasama ng mga ipoipo sa timugan.

¹⁵ Ipagsasanggalang sila ng Panginoon ng mga hukbo; at sila'y mangananakmal, at kanilang yayapakan ang mga batong panghilagpos; at sila'y magsisiinom, at mangagiingay na gaya ng sa alak; at sila'y mangapupunong parang mga ^(C)taza, parang mga sulok ng dambana.

¹⁶ At ililigtas sila ng Panginoon nilang Dios ^(D)sa araw na yaon na gaya ng kawan ng kaniyang bayan; sapagka't ^(E) magiging gaya ng mga bato ng isang putong na nataas sa mataas sa ^(F)kaniyang lupain.

¹⁷ Sapagka't pagkalaki ng kaniyang kabutihan, at pagkalaki ng kaniyang kagandahan! pagiginhawahin ng trigo ang mga binata, at ng bagong alak ang mga dalaga;

Ang Israel at ang Juda ay pagpapalain ng Panginoon.

10 Hingin ninyo sa Panginoon ang ^(G)ulan sa kapanahunan ng huling ulan, sa Panginoon na nagpapakidlat; at kaniyang bibigyan sila ng ulan, at ang bawa't isa'y ng damo sa parang.