Mga Awit 46-50

Ang Biblia (1978)

46 Ang Dios ay ^(A)ating ampunan at kalakasan,
^(B)Handang saklolo sa kabagabagan.
² Kaya't hindi tayo matatakot bagaman ang lupa ay mabago,
At bagaman ang mga bundok ay mangaglipat sa kagitnaan ng mga dagat;
³ Bagaman ang tubig niyaon ay magsihugong at mabagabag.
Bagaman ang mga bundok ay mangauga dahil sa unos niyaon. (Selah)
^4 (C)May isang ilog, na ang mga agos ay nagpapasaya ^(D)sa bayan ng Dios.
Sa banal na dako ng mga tabernakulo ng Kataastaasan.
^5 (E)Ang Dios ay nasa gitna niya; siya'y hindi makikilos:
Tutulungan siya ng Dios na maaga.
⁶ Ang mga bansa ay nangagkagulo, ang mga kaharian ay nangakilos:
Inihiyaw niya ang kaniyang tinig, ang lupa ay natunaw.
^7 (F)Ang Panginoon ng mga hukbo ay sumasa atin;
Ang Dios ni Jacob ay ating kanlungan. (Selah)
⁸ Kayo'y parito, inyong masdan ang mga gawa ng Panginoon,
Kung anong mga kagibaan ang kaniyang ginawa sa lupa.
^9 (G)Kaniyang pinapaglilikat ang mga pagdidigma sa wakas ng lupa;
Kaniyang binabali ang busog, at pinuputol ang sibat;
Kaniyang sinusunog ang mga karo sa apoy.
¹⁰ Kayo ay magsitigil at kilalanin ninyo na ako ang Dios:
^(H)Ako'y mabubunyi sa gitna ng mga bansa, ako'y mabubunyi sa lupa.
¹¹ Ang Panginoon ng mga hukbo ay sumasa atin;
Ang Dios ni Jacob ay ating kanlungan.

47 Oh ^(I)ipakpak ang inyong mga kamay ninyong lahat na mga bayan;
Magsihiyaw kayo sa Dios ng tinig ng pagtatagumpay.
² Sapagka't ang Panginoong kataastaasan ^(J)ay kakilakilabot;
^(K)Siya'y dakilang Hari sa buong lupa.
^3 (L)Kaniyang pasusukuin ang mga bayan sa ilalim natin,
At ang mga bansa sa ilalim ng ating mga paa.
⁴ Kaniyang ipipili tayo ^(M)ng ating mana,
^(N)Ang karilagan ni Jacob na kaniyang minahal. (Selah)
^5 (O)Ang Dios ay napailanglang na may hiyawan,
Ang Panginoon na may tunog ng pakakak.
⁶ Kayo'y magsiawit ng mga pagpuri sa Dios, kayo'y magsiawit ng mga pagpuri:
Kayo'y magsiawit ng mga pagpuri sa ating Hari, kayo'y magsiawit ng mga pagpuri.
⁷ Sapagka't ang Dios ^(P)ay Hari ng buong lupa:
^(Q)Magsiawit kayo ng mga pagpuri na may pagunawa.
^8 (R)Ang Dios ay naghahari sa mga bansa:
Ang Dios ay nauupo sa kaniyang banal na luklukan.
⁹ Ang mga pangulo ng mga bayan ay nangapipisan
Upang maging bayan ng Dios ni Abraham;
Sapagka't ang mga ^(S)kalasag ng lupa ay ukol sa Dios;
Siya'y totoong bunyi.

48 Dakila ang Panginoon, at marapat pakapurihin,
^(T)Sa bayan ng aming Dios, sa kaniyang ^(U)banal na bundok.
^2 (V)Maganda sa kataasan, ang kagalakan ng buong ^(W)lupa,
Siyang bundok ng Sion, sa mga dako ng hilagaan,
^(X)Na bayan ng dakilang Hari.
³ Ang Dios ay napakilala sa kaniyang mga bahay-hari, na pinakakanlungan.
⁴ Sapagka't narito, ang mga hari ay nagpupulong,
Sila'y nagsidaang magkakasama.
⁵ Kanilang nakita, nagsipanggilalas nga sila;
Sila'y nanganglupaypay, sila'y ^(Y)nangagmadaling tumakas.
^6 (Z)Panginginig ay humawak sa kanila roon;
Sakit, gaya ng sa isang babae sa pagdaramdam.
^7 (AA)Sa pamamagitan ng hanging silanganan
Iyong binabasag ang mga sasakyan sa Tharsis.
⁸ Kung ano ang aming narinig, ay gayon ang aming nakita
Sa ^(AB)bayan ng Panginoon ng mga hukbo, sa bayan ng aming Dios:
^(AC)Itatatag ito ng Dios magpakailan man. (Selah)
⁹ Aming inaalaala ang iyong kagandahang-loob, Oh Dios,
Sa gitna ng iyong templo.
¹⁰ Kung ano ang ^(AD)iyong pangalan, Oh Dios,
Gayon ang pagpuri sa iyo hanggang sa mga wakas ng lupa;
Ang iyong kanan ay puspos ng katuwiran.
¹¹ Matuwa ka bundok ng Sion,
Magalak ang mga ^(AE)anak na babae ng Juda,
Dahil sa iyong mga kahatulan.
¹² Libutin ninyo ang Sion, at inyong ligirin siya:
Inyong saysayin ang mga moog niyaon.
¹³ Tandaan ninyong mabuti ang kaniyang mga kuta,
Inyong masdan ang kaniyang mga bahay-hari;
Upang inyong maisaysay ito sa ^(AF)susunod na lahi.
¹⁴ Sapagka't ang Dios na ito ay ating Dios magpakailan-kailan man:
Siya'y magiging ating ^(AG)patnubay hanggang sa kamatayan.

49 ^(AH)Dinggin ninyo ito, ninyong lahat na mga bayan;
Pakinggan ninyo, ninyong lahat na nananahan sa daigdig:
^2 (AI)Ng mababa at gayon din ng mataas,
Ng mayaman at ng dukha na magkasama.
³ Ang aking bibig ay magsasalita ng karunungan;
At ang pagbubulay ng aking puso ay magiging sa pagunawa.
^4 (AJ)Ikikiling ko ang aking panig sa talinghaga:
Ibubuka ko ang aking ^(AK)malabong sabi sa alpa.
⁵ Bakit ako matatakot sa mga kaarawan ng kasamaan,
Pagka kinukulong ako ng kasamaan sa aking mga sakong?
⁶ Silang ^(AL)nagsisitiwala sa kanilang kayamanan,
At nangaghahambog sa karamihan ng kanilang mga kayamanan;
⁷ Wala sa kaniyang ^(AM)makatutubos sa ano pa mang paraan sa kaniyang kapatid,
Ni ^(AN)magbibigay man sa Dios ng pangtubos sa kaniya:
⁸ (Sapagka't ^(AO)ang katubusan ng kanilang kaluluwa ay mahal,
At ito'y naglilikat magpakailan man:)
⁹ Upang siya'y mabuhay na lagi,
Upang siya'y ^(AP)huwag makakita ng kabulukan.
¹⁰ Sapagka't nakikita niya na ang mga pantas ay ^(AQ)nangamamatay,
Ang mangmang at gayon din ang ^(AR)hangal ay nililipol,
^(AS)At iniiwanan ang kanilang kayamanan sa mga iba.
¹¹ Ang kanilang pagiisip sa loob ay, na ang kanilang mga bahay ay mananatili magpakailan man,
At ang kanilang mga tahanang dako ay sa lahat ng sali't saling lahi;
^(AT)Tinatawag nila ang kanilang mga lupain ayon sa kanilang sariling mga pangalan.
¹² Nguni't ang tao'y hindi lalagi sa karangalan:
Siya'y gaya ng mga hayop na nangamamatay.
¹³ Itong kanilang lakad ay ^(AU)kanilang kamangmangan:
Gayon ma'y pagkatapos nila ay sinasangayunan ng mga tao ang kanilang mga kasabihan. (Selah)
¹⁴ Sila'y nangatakda sa Sheol na parang kawan;
Kamatayan ay magiging pastor sa kanila:
At ^(AV)ang matuwid ay magtataglay ng kapangyarihan sa kanila sa kinaumagahan;
At ang kanilang kagandahan ay mapapasa Sheol upang matunaw,
Upang mawalan ng tahanan.
¹⁵ Nguni't ^(AW)tutubusin ng Dios ang aking kaluluwa sa kapangyarihan ng Sheol:
^(AX)Sapagka't tatanggapin niya ako. (Selah)
¹⁶ Huwag kang matakot pagka may yumaman.
Pagka ang kaluwalhatian ng kaniyang bahay ay lumago:
¹⁷ Sapagka't pagka siya'y namatay ay wala siyang dadalhin;
Ang kaniyang kaluwalhatian ay hindi bababang susunod sa kaniya.
¹⁸ Bagaman habang siya'y nabuhay ay ^(AY)kaniyang pinagpala ang kaniyang kaluluwa,
(At pinupuri ka ng mga tao pagka gumagawa ka ng mabuti sa iyong sarili),
¹⁹ Siya'y paroroon sa lahi ng kaniyang mga magulang;
Hindi sila makakakita kailan man ng ^(AZ)liwanag.
²⁰ Taong nasa karangalan, at hindi nakakaunawa,
Ay gaya ng mga hayop na namamatay.

50 Ang makapangyarihang Dios, ang Dios na Panginoon, ay nagsalita,
At tinawag ang lupa ^(BB)mula sa pagsikat ng araw hanggang sa paglubog niyaon.
² Mula sa Sion na ^(BC)kasakdalan ng kagandahan,
^(BD)Sumilang ang Dios.
³ Ang aming Dios ay darating at hindi tatahimik;
^(BE)Isang apoy na mamumugnaw sa harap niya,
At magiging totoong malaking bagyo sa palibot niya.
^4 (BF)Siya'y tatawag sa langit sa itaas,
At sa lupa upang mahatulan niya ang kaniyang bayan:
⁵ Pisanin mo ang ^(BG)aking mga banal sa akin;
^(BH)Yaong nangakikipagtipan sa akin sa pamamagitan ng hain.
⁶ At ^(BI)ipahahayag ng langit ang kaniyang katuwiran;
Sapagka't ang Dios ay siyang hukom. (Selah)
^7 (BJ)Iyong dinggin, Oh aking bayan, at ako'y magsasalita;
Oh Israel, at ako'y magpapatotoo sa iyo:
^(BK)Ako'y Dios, iyong Dios.
^8 (BL)Hindi kita sasawayin dahil sa iyong mga hain;
At ang iyong mga handog na susunugin ay laging nangasa harap ko.
^9 (BM)Hindi ako kukuha ng baka sa iyong bahay,
Ni ng kambing na lalake sa iyong mga kawan.
¹⁰ Sapagka't bawa't hayop sa gubat ay akin,
At ang hayop sa libong burol.
¹¹ Nakikilala ko ang lahat ng mga ibon sa mga bundok:
At ^(BN)ang mga mabangis na hayop sa parang ay akin.
¹² Kung ako'y magutom ay hindi ko sasaysayin sa iyo:
^(BO)Sapagka't ang sanglibutan ay akin, at ang buong narito.
¹³ Kakanin ko ba ang laman ng mga toro,
O iinumin ang dugo ng mga kambing?
^14 (BP)Ihandog mo sa Dios ang haing pasasalamat:
At ^(BQ)tuparin mo ang iyong mga panata sa Kataastaasan:
¹⁵ At ^(BR)tumawag ka sa akin sa kaarawan ng kabagabagan;
Ililigtas kita, at iyong luluwalhatiin ako.
¹⁶ Nguni't sa masama ay sinasabi ng Dios,
Anong iyong gagawin upang ipahayag ang aking mga palatuntunan,
At iyong kinuha ang aking tipan sa iyong bibig?
¹⁷ Palibhasa't iyong kinapopootan ang pagtuturo,
At iyong iniwawaksi ang aking mga salita sa likuran mo.
¹⁸ Pagka nakakita ka ng magnanakaw, pumipisan ka sa kaniya,
At naging kabahagi ka ng mga mapangalunya.
¹⁹ Iyong ibinubuka ang iyong bibig sa kasamaan,
At ang iyong dila ay kumakatha ng karayaan.
²⁰ Ikaw ay nauupo, at ^(BS)nagsasalita laban sa iyong kapatid;
Iyong dinudusta ang anak ng iyong sariling ina.
²¹ Ang mga bagay na ito ay iyong ginawa, ^(BT)at ako'y tumahimik;
Iyong inisip na tunay na ako'y gayong gaya mo:
Nguni't sasawayin kita, at ^(BU)aking isasaayos sa harap ng iyong mga mata.
²² Gunitain nga ninyo ito, ninyong nangakalilimot sa Dios,
Baka kayo'y aking pagluraylurayin at walang magligtas:
^23 (BV)Ang naghahandog ng haing pasasalamat ay lumuluwalhati sa akin;
At sa kaniya na nagaayos ng kaniyang pakikipagusap
Aking ipakikita ang pagliligtas ng Dios.