Salmo 119:1-8

Ang Pulong Sa Dios

119 Bulahan ang mga tawo nga nagakinabuhi nga maligdong, nga nagasubay sa kasugoan sa Ginoo.
² Bulahan ang mga tawo nga nagasunod sa mga katudloanan sa Dios, ug nagatuman kaniya sa tibuok nilang kasingkasing.
³ Wala sila maghimo ug daotan kondili nagasunod sila sa mga pamaagi sa Dios.
⁴ Ginoo, gihatag mo kanamo ang imong mga tulumanon aron tumanon namo kini nga matinud-anon.
⁵ Dako kaayo ang akong tinguha nga magmatinumanon sa pagtuman sa imong mga tulumanon.
⁶ Kon tumanon ko ang tanan mong mga sugo, dili ako maulawan.
⁷ Dayegon ko ikaw sa putli kong kasingkasing samtang nagatuon ako sa imong matarong nga mga sugo.
⁸ Tumanon ko ang imong mga tulumanon, busa ayaw gayod ako pasagdi.