Salmo 103:8-13

Ang Pulong Sa Dios

⁸ May kahangawa siya ug maloloy-on;
mahigugmaon siya ug dili daling masuko.
⁹ Dili siya magsigeg pang-akusar,
ug dili molungtad ang iyang kasuko.
¹⁰ Wala niya kita siloti sa angay nga silot sa atong mga sala.
¹¹ Kay maingon nga dili masukod ang gilay-on sa langit ug sa yuta,
dili usab masukod ang kadako sa iyang paghigugma ngadto sa mga nagatahod kaniya.
¹² Gipahilayo niya ang atong mga sala gikan kanato,
sama sa gilay-on sa sidlakan gikan sa kasadpan.
¹³ Ug maingon nga ang usa ka amahan malooy sa iyang mga anak,
malooy usab ang Ginoo sa mga nagatahod kaniya.