Pahayag 1:10-12

Magandang Balita Biblia

¹⁰ Noon ay araw ng Panginoon, at habang nasa ilalim ako ng kapangyarihan ng Espiritu, narinig ko mula sa aking likuran ang isang malakas na tinig na parang tunog ng trumpeta. ¹¹ Sabi niya, “Isulat mo sa isang aklat ang iyong nakita, at ipadala mo ito sa pitong iglesya: sa Efeso, Esmirna, Pergamo, Tiatira, Sardis, Filadelfia at Laodicea.”

¹² Lumingon ako upang tingnan ang nagsasalita, at nakakita ako ng pitong ilawang ginto.