Obadias
Magandang Balita Biblia
1 Ang aklat na ito ay naglalaman ng pangitaing ibinigay ng Panginoong Yahweh kay Propeta Obadias tungkol sa Edom.
Paparusahan ni Yahweh ang Edom
May narinig kaming ulat buhat sa Panginoong Yahweh;
may isang sugo na ipinadala sa mga bansa:
“Humanda kayo at ang Edom ay salakayin!”
2 Sinabi ni Yahweh sa Edom,
“Gagawin kitang pinakamahinang bansa,
at kamumuhian ka ng lahat ng mga tao.
3 Nilinlang ka ng iyong kayabangan;
dahil ang kapitolyo mo'y nakatayo sa batong buháy;
dahil ang tahanan mo'y nasa matataas na kabundukan.
Kaya't sinasabi mo,
‘Sinong makakapagpabagsak sa akin?’”
4 Kasintaas man ng pugad ng agila ang iyong bahay,
o maging ang mga bituin man ay iyong kapantay,
hahatakin kitang pababa at ikaw ay babagsak.
5 “Kung sa gabi'y dumating ang magnanakaw,
ang kinukuha lamang nila'y ang kanilang magustuhan.
Kapag ang mga tao'y namimitas ng ubas,
kahit kaunting bunga'y nagtitira sila.
Ngunit ang mga kaaway mo'y walang ititira kahit isa.
6 O lahi ni Esau, ang yaman mo'y sasamsamin;
at ang lahat ng sa iyo'y kukuhanin.
7 Nilinlang ka ng iyong mga kapanalig,
itinaboy ka mula sa iyong lupain.
Nasasakop ka na ngayon ng iyong mga kakampi.
Ang iyong mga kaibigang noo'y kasalo, ngayo'y naglagay ng patibong para sa iyo;
at kanila pang sinasabi, ‘Nasaan na ang kanyang katusuhan?’”
8 Sinabi ni Yahweh:
“Darating ang araw na paparusahan ko ang Edom,
lilipulin ko ang kanyang mga matatalinong tao,
at ang kaalaman nila'y aking papawiin.
9 Mga mandirigma ng Teman ay pawang nasisindak,
at ang mga kawal ng Edom ay malilipol na lahat.
Bakit Pinarusahan ang Edom
10 “Dahil sa ginawa mong karahasan sa angkan ng kapatid mong si Jacob,
sa kahihiya'y malalagay ka,
at mahihiwalay sa akin magpakailanman.
11 Pinanood mo lamang sila,
nang araw na pasukin ng mga kaaway.
Kasinsama ka ng mga dayuhan
na nananamsam at naghahati-hati
sa kayamanan ng Jerusalem na kanilang tinangay.
12 Hindi mo dapat ikinatuwa ang[a] kapahamakang sinapit
ng iyong mga kapatid sa lupain ng Juda.
Hindi ka dapat nagalak sa araw ng kanilang pagkawasak;
hindi ka dapat naging palalo sa araw ng kanilang kasawian.
13 Hindi mo dapat pinasok ang lunsod ng aking bayan,
ni pinagtawanan ang kanilang kasawian.
At sinamsam mo pa ang kanilang kayamanan
sa panahon ng kanilang kapahamakan.
14 Hindi(A) ka dapat nag-abang sa mga sangang-daan
upang ang mga pugante doon ay hadlangan.
Hindi mo na dapat sila ibinigay sa kalaban
sa araw na iyon ng kanilang kapahamakan.
Hahatulan ng Diyos ang mga Bansa
15 “Malapit na ang araw ng aking paghatol sa lahat ng bansa,” sabi ni Yahweh.
“Ang ginawa mo Edom, sa iyo'y gagawin din;
ang ibinigay mo sa iba, siya mo ring tatanggapin.
16 Sa banal na bundok ko ay nalasap ng aking bayan
ang mapait na alak na sa kanila'y kaparusahan.
Ngunit ang mga bayan na dito'y nakapaligid,
higit na parusa ang kanilang matitikman;
iinom sila nito at lubos na mapaparam.
Ang Tagumpay ng Israel
17 “Ngunit sa Bundok Zion ay may ilang makakatakas,
at ang bundok na ito'y magiging banal na dako.
Muling aariin ng lahi ni Jacob
ang lupaing sa kanila ay ipinagkaloob.
18 At maglalagablab naman ang lahi ni Jose.
Lilipulin nila ang lahi ni Esau,
at susunugin ito na parang dayami.
Walang matitira isa man sa kanila.
Akong si Yahweh ang maysabi nito.
19 “Sasakupin ng mga taga-Negeb ang Bundok ng Edom.
Sasakupin ng mga nasa kapatagan ang lupain ng mga Filisteo.
Makukuha nila ang lupain ng Efraim at Samaria.
Ang Gilead nama'y sasakupin ng lahi ni Benjamin.
20 Magbabalik ang hukbong binubuo ng mga dinalang-bihag, sila na nagmula sa hilagang Israel.
Sila ang sasakop sa lupain ng Fenicia hanggang sa Zarefat doon sa hilaga.
Ang mga taga-Jerusalem na itinapon sa Sardis[b]
ang siya namang sasakop sa mga lunsod sa timog ng Juda.
21 Ang matagumpay na hukbo ng Jerusalem,
sasalakay sa Edom at doo'y mamamahala.
Si Yahweh mismo ang doo'y maghahari.”
Footnotes
- Obadias 1:12 Hindi mo dapat ikinatuwa ang: Sa Hebreo ay Ngunit huwag kang matutuwa sa .
- Obadias 1:20 Sardis: Sa ibang manuskrito'y Sefarad .
俄巴底亞書
Chinese Contemporary Bible (Traditional)
1 俄巴底亞看到的異象。
耶和華懲罰以東
論到以東，
主耶和華這樣說：
「我們從耶和華那裡聽到消息，
有位使者被派到各國，說，
『來！我們去攻打以東吧！』」
2 耶和華對以東說：
「我要讓你成為列國中最弱小的國家，
使你飽受藐視。
3 你住在懸崖峭壁間，
住在高山上，
自以為誰也不能把你拉下來，
但你的驕傲欺騙了你。
4 即使你如鷹高飛，
在星辰間築巢，
我也必把你拉下來。
這是耶和華說的。
5 「盜賊深夜洗劫你的家，
不會洗劫一空；
人們摘葡萄，不會摘光；
但你會被徹底毀滅！
6 以掃[a]要被洗劫一空，
他藏的珍寶要被搜去。
7 你的盟友將你逐出家園；
你的朋友欺騙你，戰勝你；
你的知己設陷阱害你，
你卻懵然不知。」
8 耶和華說：「到那天，
我要毀滅以東的智者，
除掉以掃山上的明哲。
9 提幔的勇士必驚慌失措，
以掃山上的人盡遭殺戮。
懲罰以東的原因
10 「因你曾殘暴地對待同胞兄弟雅各，
你必蒙羞，永遭毀滅。
11 外族人掠奪雅各的財物，
攻入耶路撒冷抽籤分贓時，
你竟然袖手旁觀，
就像他們的同夥一樣。
12 你的親族遭難之日，
你不該幸災樂禍；
猶大人被滅的日子，
你不該興高采烈；
他們遭難的日子，
你不該口出狂言；
13 我子民遭難的日子，
你不該闖進他們的城；
他們遭難的日子，
你不該幸災樂禍；
他們遭難的日子，
你不該趁火打劫；
14 你不該站在路口截殺那些逃亡者；
他們遭難的日子，
你不該把倖存者交給仇敵。
15 「耶和華懲罰萬國的日子近了。
必按你的所作所為報應你，
你的惡行必落到自己頭上。
16 你們猶大人在我的聖山上怎樣飽飲憤怒，
萬國也要照樣飲，
且要大口吞下，
直到他們完全消逝。
以色列的復興
17 「然而，錫安山必成為避難所，
成為聖地。
雅各家必得到自己的產業。
18 雅各家將成為火，
約瑟家將成為烈焰，
以掃家將成為碎稭，
被火焚燒、吞噬，無一人逃脫。
這是耶和華說的。
19 「南地的人將佔領以掃山；
丘陵的人將佔領非利士，
奪取以法蓮和撒瑪利亞；
便雅憫人將佔領基列。
20 被擄的以色列人將返回家園，
佔領遠至撒勒法一帶的土地；
從耶路撒冷被擄到西法拉的人將佔領南地各城。
21 拯救者必登上錫安山，
統治以掃山，
耶和華必做王掌權。」
Footnotes
- 1·6 「 以掃 」又名「以東」。
Magandang Balita Biblia, Copyright © Philippine Bible Society 2012.
