Mga Awit 57
Magandang Balita Biblia
Panalangin Upang Tulungan ng Diyos
Katha(A) ni David upang awitin ng Punong Mang-aawit: ayon sa tono ng “Huwag Mong Sirain”. Isang Miktam,[a] nang si David ay tumakas kay Saul sa kuweba.
57 Mahabag ka, O aking Diyos, ikaw sana ay mahabag;
sa iyo ako lumalapit upang ako ay maligtas,
pagkat aking nasumpungan sa lilim ng iyong pakpak,
ligtas ako sa panganib hanggang ito ay lumipas.
2 Yaong aking tinatawag, ang Diyos na Kataas-taasan,
ang Diyos na nagbibigay ng lahat kong kailangan.
3 Magmula sa kalangitan, diringgin ang aking hibik,
ang lahat ng kaaway ko'y lubos niyang magagapi;
ang tapat niyang pagmamahal at matatag na pag-ibig, ihahayag ito ng Diyos, sa aki'y di ikakait. (Selah)[b]
4 Kasama ko'y mga leon, kapiling ko sa paghimlay,
mabangis na mga hayop na sisila sa sinuman;
parang sibat at palaso yaong ngipin nilang taglay,
matulis ang mga dila na animo'y mga sundang.
5 Purihin ka nawa, O Diyos, sa rurok ng kalangitan;
dito naman sa daigdig ay ang iyong karangalan!
6 Nadarama ng sarili, lagi na lang pagdurusa;
hinuhuli ng kaaway; masilo ako, nais nila,
ngunit sila ang nahulog sa bitag na inihanda. (Selah)[c]
7 Panatag na ako, O Diyos, ako ngayo'y matatag,
purihin ka at awitan, ng awiting masisigla.
8 Gumising ka, kaluluwa, gumising ka't purihin siya!
Gumising ka't tugtugin mo yaong lumang lira't alpa;
tumugtog ka at hintayin ang liwayway ng umaga.
9 Sa gitna ng mga bansa, kita'y pasasalamatan;
Yahweh, ika'y pupurihin sa gitna ng iyong bayan.
10 Pag-ibig mong walang maliw ay abot sa kalangitan,
nadarama sa itaas ang lubos mong katapatan.
11 Purihin ka nawa, O Diyos, sa rurok ng kalangitan;
dito naman sa daigdig ay ang iyong karangalan!
Footnotes
- Mga Awit 57:1 MIKTAM: Tingnan ang Awit 16.
- Mga Awit 57:3 SELAH: Tingnan ang Awit 3:2.
- Mga Awit 57:6 SELAH: Tingnan ang Awit 3:2.
Psalm 57
Good News Translation
(A)A Prayer for Help[a]
57 Be merciful to me, O God, be merciful,
because I come to you for safety.
In the shadow of your wings I find protection
until the raging storms are over.
2 I call to God, the Most High,
to God, who supplies my every need.
3 He will answer from heaven and save me;
he will defeat my oppressors.
God will show me his constant love and faithfulness.
4 I am surrounded by enemies,
who are like lions hungry for human flesh.
Their teeth are like spears and arrows;
their tongues are like sharp swords.
5 Show your greatness in the sky, O God,
and your glory over all the earth.
6 My enemies have spread a net to catch me;
I am overcome with distress.
They dug a pit in my path,
but fell into it themselves.
7 I have complete confidence, O God;
I will sing and praise you!
8 Wake up, my soul!
Wake up, my harp and lyre!
I will wake up the sun.
9 I will thank you, O Lord, among the nations.
I will praise you among the peoples.
10 Your constant love reaches the heavens;
your faithfulness touches the skies.
11 Show your greatness in the sky, O God,
and your glory over all the earth.
Footnotes
- Psalm 57:1 HEBREW TITLE: A psalm by David, after he fled from Saul in the cave.
Magandang Balita Biblia, Copyright © Philippine Bible Society 2012.
Good News Translation® (Today’s English Version, Second Edition) © 1992 American Bible Society. All rights reserved. For more information about GNT, visit www.bibles.com and www.gnt.bible.
