Mateo 28

Ang Biblia (1978)

28 ^(A)Nang magtatapos ang araw ng sabbath, nang ^(B)nagbubukang liwayway na ang unang araw ng sanglinggo, ay nagsiparoon si Maria Magdalena ^(C)at ang isa pang Maria upang tingnan ang libingan.

² At narito, lumindol ng malakas; sapagka't bumaba mula sa langit ^(D)ang isang anghel ng Panginoon, at naparoon at iginulong ang bato, at nakaupo sa ibabaw nito.

³ Ang kaniyang anyo ay tulad sa kidlat, at ang kaniyang pananamit ay maputing parang niebe:

⁴ At sa takot sa kaniya'y nagsipanginig ^(E)ang mga bantay, at nangaging tulad sa mga taong patay.

⁵ At sumagot ang anghel at sinabi sa mga babae, Huwag kayong mangatakot; sapagka't nalalaman ko na inyong hinahanap si Jesus na ipinako sa krus.

⁶ Siya'y wala rito; sapagka't siya'y nagbangon, ^(F)ayon sa sinabi niya. Magsiparito kayo, tingnan ninyo ang dakong kinalagyan ng Panginoon.

⁷ At magsiyaon kayong madali, at sa kaniyang mga alagad ay sabihin ninyo, Siya'y nagbangon sa mga patay; at narito, siya'y ^(G)nangunguna sa inyo sa Galilea; doon makikita ninyo siya: narito, nasabi ko na sa inyo.

⁸ At sila'y nagsialis na madali sa libingan na taglay ang ^(H)takot at ang malaking galak, at nagsitakbo upang ibalita sa kaniyang mga alagad.

⁹ At narito, sila'y sinalubong ni ^(I)Jesus na nagsasabi, Mangagalak kayo. At sila'y nagsilapit at niyakap ang kaniyang mga paa, at siya'y sinamba.

¹⁰ Nang magkagayo'y sinabi sa kanila ni Jesus, Huwag kayong mangatakot: magsiyaon kayo at ^(J)sabihin ninyo sa aking mga kapatid na magsiparoon sa Galilea, at doo'y makikita nila ako.

¹¹ Samantala ngang sila'y nagsisiparoon, narito, ang ilan sa ^(K)mga bantay ay nagsiparoon sa bayan, at ibinalita sa mga pangulong saserdote ang lahat ng mga bagay na nangyari.

¹² At nang sila'y mangakipagkatipon na sa matatanda, at makapagsanggunian na, ay nangagbigay sila ng maraming salapi sa mga kawal,

¹³ Na nangagsasabi, Sabihin ninyo, Nagsiparito nang gabi ang kaniyang mga alagad, at siya'y kanilang ninakaw samantalang kami'y nangatutulog.

¹⁴ At kung ito'y dumating sa tainga ^(L)ng gobernador, ay siya'y aming hihikayatin, at kayo'y aming ilalagay sa panatag.

¹⁵ Kaya't kinuha nila ang salapi, at kanilang ginawa alinsunod sa pagkaturo sa kanila: at ang pananalitang ito ay kumalat sa gitna ng mga Judio, at nananatili ^(M)hanggang sa mga araw na ito.

¹⁶ Datapuwa't nagsiparoon ang labingisang alagad sa Galilea, sa bundok ^(N)na sa kanila'y itinuro ni Jesus.

¹⁷ At nang siya'y kanilang makita, ay kanilang sinamba siya; datapuwa't ang ilan ay nangagalinlangan.

¹⁸ At lumapit si Jesus sa kanila at sila'y kaniyang kinausap, na sinasabi, ^(O)Ang lahat ng kapamahalaan sa langit at sa ibabaw ng lupa ay naibigay na sa akin.

^19 (P)Dahil dito magsiyaon nga kayo, ^(Q)at gawin ninyong mga alagad ang lahat ng mga bansa, na sila'y inyong bautismuhan sa pangalan ng Ama at ng Anak at ng Espiritu Santo:

²⁰ Na ituro ninyo sa kanila na kanilang ganapin ang lahat ng mga bagay na iniutos ko sa inyo: at ^(R)narito, ako'y sumasa inyong palagi, hanggang sa katapusan ng sanglibutan.