మార్కు 15:1-5

Telugu Holy Bible: Easy-to-Read Version

పిలాతు సమక్షంలో యేసు

(మత్తయి 27:1-2, 11-14; లూకా 23:1-5; యోహాను 18:28-38)

15 తెల్లవారుఝామున ప్రధాన యాజకులు, పెద్దలు, శాస్త్రులు, మహాసభకు చెందిన అందరు సభ్యులు కలిసి ఒక నిర్ణయానికి వచ్చారు. వాళ్ళు యేసును బంధించి తీసుకెళ్ళి పిలాతుకు^[a] అప్పగించారు.

² పిలాతు, “నీవు యూదులకు రాజువా?” అని అడిగాడు.

“మీరే అంటున్నారుగా!” అని యేసు సమాధానం చెప్పాడు.

³ ప్రధానయాజకులు యేసు మీద ఎన్నో నేరాలు మోపారు. ⁴ అందువల్ల పిలాతు యేసుతో మళ్ళీ, “నీవు సమాధానం చెప్పదలచుకోలేదా? వాళ్ళు నీ మీద ఎన్ని నేరాలు మోపుతున్నారో చూడు!” అని అన్నాడు.

⁵ అయినా యేసు సమాధానం చెప్పలేదు. ఇది చూసి పిలాతుకు చాలా ఆశ్చర్యం వేసింది.