Levitico 27:8-10

Magandang Balita Biblia (with Deuterocanon)

⁸ “Kung walang maitutubos dahil sa kahirapan, ang taong iyo'y ihaharap sa pari at siya ang magpapasya kung magkano ang itutubos ayon sa kakayahan ng may panata.

⁹ “Kung ang panatang handog ay hayop, dapat itong ilaan kay Yahweh. ¹⁰ Hindi ito maaaring palitan. Kapag pilit na pinalitan, ang papalitan at ipapalit ay parehong ilalaan kay Yahweh.