Ang Ipinamana kay Simeon

19 Ang ikalawang lupain ay napabigay kay Simeon, sa lipi ng mga anak ni Simeon ayon sa kanilang mga angkan, at ang kanilang pamana ay nasa gitna ng pamana sa lipi ni Juda.

² At^(A) tinanggap nilang pamana ang Beer-seba, Seba, Molada;

³ Hazar-shual, Bala, at Ezem;

⁴ Eltolad, Betul, Horma;

⁵ Siclag, Bet-marcabot, Hazar-susa,

⁶ Bet-lebaot, Saruhen: labintatlong lunsod at ang mga nayon nito;

⁷ Ain, Rimon, Eter, at Asan, apat na lunsod at mga nayon nito;

⁸ at ang lahat ng mga nayon na nasa palibot ng mga lunsod na ito hanggang sa Baalat-beer, Rama ng Negeb. Ito ang pamana sa lipi ni Simeon ayon sa kanilang mga angkan.

⁹ Ang pamana sa lipi ni Simeon ay bahagi ng nasasakupan ng anak ni Juda; sapagkat ang bahagi ng lipi ni Juda ay napakalaki para sa kanila; kaya't ang mga anak ni Simeon ay nagkaroon ng pamana sa loob ng kanilang pamana.

Ang Ipinamana kay Zebulon

¹⁰ At ang ikatlong lupain ay napabigay sa mga anak ni Zebulon ayon sa kanilang mga angkan. At ang nasasakupan ng kanilang pamana ay hanggang sa Sarid;

¹¹ at ang kanilang hangganan ay paakyat sa kanluran sa Merala, at abot hanggang sa Dabeset at sa batis na nasa silangan ng Jokneam.

¹² Mula sa Sarid, ito ay pabalik sa silangan sa dakong sinisikatan ng araw hanggang sa hangganan ng Cisilot-tabor, at palabas sa Daberat, at paakyat sa Jafia;

¹³ mula roon ito ay patuloy sa silangan sa Gat-hefer, sa Itkazin; at palabas sa Rimon hanggang sa Nea.

¹⁴ Sa hilaga, ang hangganan ay paliko patungo sa Hanaton; at ang dulo nito ay sa libis ng Iftael;

¹⁵ at sa Kata, Nahalal, Simron, Idala, Bethlehem: labindalawang lunsod at ang mga nayon nito.

¹⁶ Ito ang pamana sa mga anak ni Zebulon ayon sa kanilang mga angkan, ang mga lunsod at ang mga nayon nito.

Ang Ipinamana kay Isacar

¹⁷ Ang ikaapat na lupain ay napabigay kay Isacar, sa mga anak ni Isacar ayon sa kanilang mga angkan.

¹⁸ At ang kanilang nasasakupan ay ang sa Jezreel, Cesulot, Sunem,

¹⁹ Hafaraim, Zion, Anaharat,

²⁰ Rabit, Kishion, Ebez,

²¹ Remet, En-ganim, En-hada, Bet-pazez,

²² at ang hangganan ay hanggang sa Tabor, Sahazuma, at Bet-shemes; at ang mga dulo ng hangganan ng mga iyon ay sa Jordan: labing-anim na lunsod at ang mga nayon nito.

²³ Ito ang pamana sa lipi ng mga anak ni Isacar ayon sa kanilang mga angkan, ang mga bayan at mga nayon nito.

Ang Ipinamana kay Aser

²⁴ At ang ikalimang lupain ay napabigay sa lipi ni Aser ayon sa kanilang mga angkan.

²⁵ At ang kanilang nasasakupan ay Helcat, Hali, Beten, Acsaf,

²⁶ Alamelec, Amad, Mishal; hanggang sa Carmel sa kanluran at sa Sihorlibnath;

²⁷ at paliko sa sinisikatan ng araw sa Bet-dagon, hanggang sa Zebulon, at sa libis ng Iftael sa hilaga sa Bet-emec at Nehiel; at papalabas sa Cabul sa kaliwa;

²⁸ Hebron, Rehob, Hamon, Cana, hanggang sa malaking Sidon.

²⁹ Ang hangganan ay paliko sa Rama, at sa bayang nakukutaan ng Tiro; at ang hangganan ay paliko sa Hosa, at ang dulo nito ay sa dagat mula sa lupain ni Aczib;

³⁰ gayundin ang Uma, Afec, at Rehob: dalawampu't dalawang lunsod at ang mga nayon nito.

³¹ Ito ang pamana sa lipi ni Aser ayon sa kanilang mga angkan, ang mga lunsod at mga nayon nito.

Ang Ipinamana kay Neftali

³² Ang ikaanim na lupain ay napabigay sa mga anak ni Neftali ayon sa kanilang mga angkan.

³³ At ang hangganan nito ay mula sa Helef, mula sa ensina sa Saananim, at sa Adamineceb, at sa Jabneel, hanggang sa Lacum, at ang dulo niyon ay sa Jordan.

³⁴ Ang hangganan ay paliko sa kanluran sa Aznot-tabor, at papalabas sa Hucuca mula roon; at hanggang sa Zebulon sa timog, at hanggang sa Aser sa kanluran, at sa Juda sa Jordan na dakong sinisikatan ng araw.

³⁵ Ang mga lunsod na may pader ay Siddim, Ser, Hamat, Racat, Cineret,

³⁶ Adama, Rama, Hazor,

³⁷ Kedes, Edrei, En-hazor,

³⁸ Iron, Migdal-el, Horem, Bet-anat, at Bet-shemes: labinsiyam na lunsod at ang mga nayon nito.

³⁹ Ito ang pamana sa lipi ni Neftali ayon sa kanilang mga angkan, ang mga lunsod at ang mga nayon nito.

Ang Ipinamana kay Dan

⁴⁰ Ang ikapitong lupain ay napabigay sa lipi ni Dan ayon sa kanilang mga angkan.

⁴¹ At ang nasasakupan ng kanilang pamana ay Sora, Estaol, Ir-semes,

⁴² Saalabin, Ailon, Jet-la,

⁴³ Elon, Timna, Ekron,

⁴⁴ Elteke, Gibeton, Baalat,

⁴⁵ Jehud, Bene-berac, Gat-rimon,

⁴⁶ Me-jarcon, Raccon at ang hangganan sa tapat ng Joppa.

⁴⁷ Nang^(B) ang nasasakupan ng mga anak ni Dan ay nawala sa kanila, ang mga anak ni Dan ay umahon at lumaban sa Lesem, at pagkatapos sakupin at patayin ng talim ng tabak, ay inangkin nila ito at nanirahan doon at tinawag ito ayon sa pangalan ni Dan na kanilang ama.

⁴⁸ Ito ang pamana sa lipi ni Dan ayon sa kanilang mga angkan, ang mga lunsod na ito at ang mga nayon nito.

Ang Mana ng mga Anak ni Josue ay ang Timnat-sera

⁴⁹ Nang kanilang matapos ang pamamahagi ng lupain bilang pamana ayon sa mga hangganan niyon, ay binigyan ng mga anak ni Israel ng pamana si Josue na anak ni Nun sa gitna nila.

⁵⁰ Ayon sa utos ng Panginoon ay kanilang ibinigay sa kanya ang lunsod na kanyang hiningi, ang Timnat-sera sa lupaing maburol ng Efraim; at kanyang muling itinayo ang lunsod at nanirahan doon.

⁵¹ Ito ang mga pamana na ipinamahagi ng paring si Eleazar at ni Josue na anak ni Nun, at ng mga pinuno ng mga sambahayan ng mga ninuno ng mga lipi ng mga anak ni Israel bilang pamana, sa pamamagitan ng palabunutan sa Shilo sa harap ng Panginoon sa pintuan ng toldang tipanan. Gayon nila tinapos ang paghahati-hati sa lupain.