Ioannes 16:13-15

Biblia Sacra Vulgata

¹³ Cum autem venerit ille Spiritus veritatis, docebit vos omnem veritatem: non enim loquetur a semetipso, sed quaecumque audiet loquetur, et quae ventura sunt annuntiabit vobis.

¹⁴ Ille me clarificabit, quia de meo accipiet, et annuntiabit vobis.

¹⁵ Omnia quaecumque habet Pater, mea sunt. Propterea dixi: quia de meo accipiet, et annuntiabit vobis.