Job 5:2-5

Ang Pulong Sa Dios

² Ang kasuko ug kasina mopatay sa tawong buang-buang ug walay kaalam. ³ Sa akong naobserbahan, ang tawong buang-buang mahimong mouswag sa iyang panginabuhi, apan sa kalit lang tunglohon sa Dios ang iyang panimalay. ⁴ Walay kapaingnan ang iyang mga anak, ug walay makatabang kanila.^[a] Wala usay molaban kanila sa korte. ⁵ Ang iyang mga abot, bisan pa ang mga bunga niadtong nanurok lang taliwala sa tunokong mga tanom, kuhaon sa mga tawong gutom. Ug ang iyang bahandi kuhaon sa mga tawong hakog.