25  Ano ra ko Pirirara Huhi; i mea ia,

² Kei a ia te kingitanga me te wehi: ko ia hei hohou i te rongo i ona wahi tiketike.

³ E taea ranei ana ope te tatau? ko wai hoki i kore te whitingia e tona marama?

⁴ A ma te aha ra te tangata ka whakatikaia mai ai e te Atua? Ma te aha ka ma ai te whanau a te wahine?

⁵ Nana, ko te marama, kahore ona tiahotanga, kahore hoki nga whetu kia ma ki tana titiro:

⁶ Kia iti rawa iho to te tangata, he kutukutu nei! to te tama a te tangata, he iro nei!