Isaias 64:9-11

Magandang Balita Biblia

⁹ O Yahweh, huwag kang mapoot sa amin nang labis;
    huwag mo nang alalahanin magpakailanman ang aming mga kasamaan;
    mahabag ka sa amin sapagkat kami'y iyong bayan.
¹⁰ Ang mga banal na lunsod mo'y naging mga disyerto;
    ang Jerusalem ay naging mapanglaw na guho.
¹¹ Ang aming banal at magandang Templo,
    na sinasambahan ng aming mga ninuno,
ngayon ay sunog na;
    at ang lahat ng lugar na kawili-wiling pagtipunan, ay wasak nang tuluyan.