Isaias 64:8-10

Magandang Balita Biblia

⁸ Gayunman, O Yahweh, ikaw pa rin ang aming Ama.
    Kami ang putik at ikaw ang magpapalayok.
    Ikaw ang sa ami'y humubog.
⁹ O Yahweh, huwag kang mapoot sa amin nang labis;
    huwag mo nang alalahanin magpakailanman ang aming mga kasamaan;
    mahabag ka sa amin sapagkat kami'y iyong bayan.
¹⁰ Ang mga banal na lunsod mo'y naging mga disyerto;
    ang Jerusalem ay naging mapanglaw na guho.