Isaias 62
Ang Biblia, 2001
62 Alang-alang sa Zion ay hindi ako tatahimik,
at alang-alang sa Jerusalem ay hindi ako magpapahinga,
hanggang sa ang kanyang katuwiran ay lumitaw na parang ningning,
at ang kanyang kaligtasan na gaya ng sulong nagniningas.
2 At makikita ng mga bansa ang iyong katuwiran,
at ng lahat na hari ang iyong kaluwalhatian;
at ikaw ay tatawagin sa bagong pangalan
na ipapangalan ng bibig ng Panginoon.
3 Ikaw naman ay magiging korona ng kagandahan sa kamay ng Panginoon,
at koronang hari sa kamay ng iyong Diyos.
4 Hindi ka na tatawagin pang ‘Pinabayaan’;[a]
hindi na rin tatawagin pa ang iyong lupain na ‘Giba’;[b]
kundi ikaw ay tatawaging ‘Ang Aking Katuwaan Ay Nasa Kanya’,[c]
at ang iyong lupain ay tatawaging ‘May Asawa’,[d]
sapagkat ang Panginoon ay nalulugod sa iyo,
at ang iyong lupain ay magiging may asawa.
5 Sapagkat kung paanong ang binata ay ikinakasal sa dalaga,
gayon ikakasal ka sa iyong mga anak na lalaki,
at kung paanong ang lalaking ikakasal ay nagagalak sa babaing ikakasal,
gayon magagalak ang Diyos sa iyo.
6 Ako'y naglagay ng mga bantay sa iyong mga pader, O Jerusalem;
sila'y hindi tatahimik kailanman sa araw o sa gabi.
Kayong mga umaalala sa Panginoon,
huwag kayong magpahinga,
7 at huwag ninyo siyang bigyan ng kapahingahan,
hanggang sa maitatag niya
at gawing kapurihan ang Jerusalem sa daigdig.
8 Ang Panginoon ay sumumpa ng kanyang kanang kamay,
at ng bisig ng kanyang kalakasan:
“Hindi ko na muling ibibigay ang iyong trigo
upang maging pagkain ng mga kaaway mo,
at ang mga dayuhan ay hindi iinom ng alak
na pinagpagalan mo.
9 Kundi silang nag-imbak niyon ay kakain niyon,
at magpupuri sa Panginoon,
at silang nagtipon niyon ay iinom niyon
sa mga looban ng aking santuwaryo.”
10 Kayo'y dumaan, kayo'y dumaan sa mga pintuan,
inyong ihanda ang lansangan para sa bayan;
inyong itayo, inyong gawin ang maluwang na lansangan,
inyong alisin ang mga bato;
sa ibabaw ng mga bayan ang watawat ay itaas ninyo.
11 Narito,(A) ipinahayag ng Panginoon
hanggang sa dulo ng lupa:
Inyong sabihin sa anak na babae ng Zion,
“Narito, ang iyong kaligtasan ay dumarating;
ang kanyang gantimpala ay nasa kanya,
at ang kanyang ganti ay nasa harapan niya.”
12 At sila'y tatawaging “Ang banal na bayan,
Ang tinubos ng Panginoon”;
at ikaw ay tatawaging “Hinanap,
Lunsod na hindi pinabayaan.”
Footnotes
- Isaias 62:4 Sa Hebreo ay Azubah .
- Isaias 62:4 Sa Hebreo ay Shemamah .
- Isaias 62:4 Sa Hebreo ay Hefziba .
- Isaias 62:4 Sa Hebreo ay Beulah .
Isaias 62
Ang Dating Biblia (1905)
62 Dahil sa Sion ay hindi ako tatahimik, at dahil sa Jerusalem ay hindi ako magpapahinga, hanggang sa ang kaniyang katuwiran ay lumitaw na parang ningning, at ang kaniyang kaligtasan ay parang ilawan na nagniningas.
2 At makikita ng mga bansa ang iyong katuwiran, at ng lahat na hari ang inyong kaluwalhatian; at ikaw ay tatawagin sa bagong pangalan, na ipangangalan ng bibig ng Panginoon.
3 Ikaw naman ay magiging putong ng kagandahan sa kamay ng Panginoon, at diademang hari sa kamay ng iyong Dios.
4 Hindi ka na tatawagin pang Pinabayaan; hindi na rin tatawagin pa ang iyong lupain na Giba: kundi ikaw ay tatawaging Hephzi-bah, at ang iyong lupain ay Beulah: sapagka't ang Panginoon ay nalulugod sa iyo, at ang iyong lupain ay tatangkilikin.
5 Sapagka't kung paanong ang binata ay nakikipagtipan sa dalaga, gayon nakikipagtipan ang iyong mga anak na lalake sa iyo; at kung paanong ang kasintahang lalake ay nagagalak sa kasintahang babae, gayon magagalak ang Dios sa iyo.
6 Ako'y naglagay ng mga bantay sa iyong mga kuta, Oh Jerusalem; sila'y hindi magsisitahimik kailan man sa araw o sa gabi: kayong mga mapagalaala sa Panginoon, huwag kayong mangagpahinga,
7 At huwag ninyong bigyan siya ng kapahingahan, hanggang sa siya'y matatag, at hanggang sa kaniyang gawing kapurihan sa lupa ang Jerusalem.
8 Ang Panginoon ay sumumpa ng kaniyang kanang kamay, at ng bisig ng kaniyang kalakasan, Tunay na hindi na ako magbibigay ng iyong trigo na pinakapagkain sa iyong mga kaaway; at ang mga taga ibang lupa ay hindi magsisiinom ng iyong alak, na iyong pinagpagalan.
9 Kundi silang nangagimbak niyaon ay magsisikain niyaon, at magsisipuri sa Panginoon; at silang nangagtipon niyaon ay magsisiinom niyaon sa mga looban ng aking santuario.
10 Kayo'y magsidaan, kayo'y magsidaan sa mga pintuang-bayan; inyong ihanda ang lansangan ng bayan; inyong patagin; inyong patagin ang maluwang na lansangan; inyong pulutin ang mga bato; mangagtaas kayo ng watawat na ukol sa mga bayan.
11 Narito, ang Panginoon ay nagtanyag hanggang sa wakas ng lupa, Inyong sabihin sa anak na babae ng Sion, Narito, ang iyong kaligtasan ay dumarating; narito, ang kaniyang kagantihan ay nasa kaniya, at ang kaniyang ganti ay nasa harap niya.
12 At tatawagin nila sila Ang banal na bayan, Ang tinubos ng Panginoon: at ikaw ay tatawagin Hinanap, Bayang hindi pinabayaan.
Isaiah 62
New Revised Standard Version, Anglicised
The Vindication and Salvation of Zion
62 For Zion’s sake I will not keep silent,
and for Jerusalem’s sake I will not rest,
until her vindication shines out like the dawn,
and her salvation like a burning torch.
2 The nations shall see your vindication,
and all the kings your glory;
and you shall be called by a new name
that the mouth of the Lord will give.
3 You shall be a crown of beauty in the hand of the Lord,
and a royal diadem in the hand of your God.
4 You shall no more be termed Forsaken,[a]
and your land shall no more be termed Desolate;[b]
but you shall be called My Delight Is in Her,[c]
and your land Married;[d]
for the Lord delights in you,
and your land shall be married.
5 For as a young man marries a young woman,
so shall your builder[e] marry you,
and as the bridegroom rejoices over the bride,
so shall your God rejoice over you.
6 Upon your walls, O Jerusalem,
I have posted sentinels;
all day and all night
they shall never be silent.
You who remind the Lord,
take no rest,
7 and give him no rest
until he establishes Jerusalem
and makes it renowned throughout the earth.
8 The Lord has sworn by his right hand
and by his mighty arm:
I will not again give your grain
to be food for your enemies,
and foreigners shall not drink the wine
for which you have laboured;
9 but those who garner it shall eat it
and praise the Lord,
and those who gather it shall drink it
in my holy courts.
10 Go through, go through the gates,
prepare the way for the people;
build up, build up the highway,
clear it of stones,
lift up an ensign over the peoples.
11 The Lord has proclaimed
to the end of the earth:
Say to daughter Zion,
‘See, your salvation comes;
his reward is with him,
and his recompense before him.’
12 They shall be called, ‘The Holy People,
The Redeemed of the Lord’;
and you shall be called, ‘Sought Out,
A City Not Forsaken.’
Footnotes
- Isaiah 62:4 Heb Azubah
- Isaiah 62:4 Heb Shemamah
- Isaiah 62:4 Heb Hephzibah
- Isaiah 62:4 Heb Beulah
- Isaiah 62:5 Cn: Heb your sons
New Revised Standard Version Bible: Anglicised Edition, copyright © 1989, 1995 the Division of Christian Education of the National Council of the Churches of Christ in the United States of America. Used by permission. All rights reserved.