Isaias 54
Magandang Balita Biblia
Ang Pag-ibig ni Yahweh sa Israel
54 “Umawit(A) ka Jerusalem, ang babaing hindi magkaanak!
Sumigaw ka sa galak, ikaw na hindi pa nakakaranas manganak.
Magiging mas marami ang iyong mga anak
kaysa sa kanya na may asawa, sabi ni Yahweh.”
2 Gumawa ka ng mas malaking tolda,
palaparin mo ang kurtina niyon.
Huwag mong lagyan ng hangganan ang dakong iyon,
pahabain mo ang mga tali.
Ibaon mo ng malalim ang mga pantulos.
3 Sapagkat kakalat kayo sa buong daigdig,
aangkinin ng inyong lahi ang ibang mga bansa;
at pananahanan nila ang mga lunsod doon, na iniwanan.
4 Huwag kang matakot o panghinaan man ng loob,
sapagkat hindi ka na mapapahiya.
Malilimot mo na ang kahihiyang dinanas mo noong iyong kabataan;
hindi mo na maaalala ang matinding kalungkutan ng pagiging isang biyuda.
5 Sapagkat ang Lumalang sa iyo ay ang asawa mo,
ang pangalan niya'y Yahweh na Makapangyarihan sa lahat.
Ang tagapagligtas mo ay ang Banal na Diyos ng Israel,
kung tawagin siya'y Diyos ng buong sanlibutan.
6 Israel, ang katulad mo'y asawang iniwan at ngayo'y nagdurusa,
isang babaing maagang nag-asawa at pagkatapos ay itinakwil.
Ngunit pinababalik ka ngayon ni Yahweh at sa iyo'y sinasabi,
7 “Sandaling panahon kitang iniwanan;
ngunit dahil sa tapat kong pag-ibig, muli kitang kakalingain.
8 Sa tindi ng aking galit, sandali akong lumayo sa iyo,
ngunit ipadarama ko sa iyo ang aking kahabagan sa pamamagitan ng pag-ibig na wagas.”
Iyan ang sabi ni Yahweh na magliligtas sa iyo.
9 “Noong(B) panahon ni Noe, ako ay sumumpang
hindi na mauulit na ang mundong ito'y gunawin sa tubig.
Aking ipinapangako ngayon, hindi na ako magagalit sa iyo,
at hindi na kita paparusahan muli.
10 Maguguho(C) ang mga bundok at ang mga burol ay mayayanig,
ngunit ang wagas na pag-ibig ko'y hindi maglalaho,
at mananatili ang kapayapaang aking ipinangako.”
Iyan ang sinasabi ni Yahweh, na nagmamahal sa iyo.
Ang Jerusalem sa Panahong Darating
11 Sinabi(D) (E) ni Yahweh,
“O Jerusalem, nagdurusang lunsod
na walang umaliw sa kapighatian.
Muling itatayo ang mga pundasyon mo, ang gagamitin ko'y mamahaling bato.
12 Rubi ang gagamitin sa iyong mga tore,
batong maningning ang iyong pintuan
at sa mga pader ay mga hiyas na makinang.
13 Ako(F) mismo ang magtuturo sa iyong mga anak.
Sila'y magiging payapa at uunlad ang buhay.
14 Patatatagin ka ng katuwiran,
magiging ligtas ka sa mga mananakop,
at wala kang katatakutang anuman.
15 Kung may sumalakay sa iyo,
hindi ito mula sa akin;
ngunit mabibigo ang sinumang sa iyo ay lumaban.
16 Ako ang lumikha ng mga panday,
na nagpapaapoy sa baga at gumagawa ng mga sandata.
Ako rin ang lumikha sa mga mandirigma,
na gumagamit sa mga sandata upang pumatay.
17 Ngunit mula ngayon, wala nang sandatang gagamitin laban sa iyo,
at masasagot mo ang anumang ibibintang sa iyo.
Ang mga lingkod ko'y aking ipagtatanggol,
at sila'y bibigyan ng pagtatagumpay.”
Ito ang sinabi ni Yahweh.
Isaiah 54
American Standard Version
54 Sing, O barren, thou that didst not bear; break forth into singing, and cry aloud, thou that didst not travail with child: for more are the children of the desolate than the children of the married wife, saith Jehovah. 2 Enlarge the place of thy tent, and let them stretch forth the curtains of thy habitations; spare not: lengthen thy cords, and strengthen thy stakes. 3 For thou shalt spread abroad on the right hand and on the left; and thy seed shall possess the nations, and make the desolate cities to be inhabited.
4 Fear not; for thou shalt not be ashamed: neither be thou confounded; for thou shalt not be put to shame: for thou shalt forget the shame of thy youth; and the reproach of thy widowhood shalt thou remember no more. 5 For thy Maker is thy husband; Jehovah of hosts is his name: and the Holy One of Israel is thy Redeemer; the God of the whole earth shall he be called. 6 For Jehovah hath called thee as a wife forsaken and grieved in spirit, even a wife of youth, when she is cast off, saith thy God. 7 For a small moment have I forsaken thee; but with great mercies will I gather thee. 8 [a]In overflowing wrath I hid my face from thee for a moment; but with everlasting lovingkindness will I have mercy on thee, saith Jehovah thy Redeemer.
9 For this is as the waters of Noah unto me; for as I have sworn that the waters of Noah shall no more go over the earth, so have I sworn that I will not be wroth with thee, nor rebuke thee. 10 For the mountains may depart, and the hills be removed; but my lovingkindness shall not depart from thee, neither shall my covenant of peace be removed, saith Jehovah that hath mercy on thee.
11 O thou afflicted, tossed with tempest, and not comforted, behold, I will set thy stones in [b]fair colors, and lay thy foundations with sapphires. 12 And I will make thy [c]pinnacles of rubies, and thy gates of carbuncles, and all thy border of precious stones. 13 And all thy children shall be [d]taught of Jehovah; and great shall be the peace of thy children. 14 In righteousness shalt thou be established: [e]thou shalt be far from oppression, for thou shalt not fear; and from terror, for it shall not come near thee. 15 Behold, they may [f]gather together, but not by me: whosoever shall [g]gather together against thee [h]shall fall because of thee. 16 Behold, I have created the smith that bloweth the fire of coals, and bringeth forth a weapon for [i]his work; and I have created the waster to destroy. 17 No weapon that is formed against thee shall prosper; and every tongue that shall rise against thee in judgment thou shalt condemn. This is the heritage of the servants of Jehovah, and [j]their righteousness which is of me, saith Jehovah.
Footnotes
- Isaiah 54:8 Or, In a little wrath
- Isaiah 54:11 Or, antimony. See 1 Chr. 29:2.
- Isaiah 54:12 Or, windows
- Isaiah 54:13 Or, disciples
- Isaiah 54:14 Or, be thou far
- Isaiah 54:15 Or, stir up strife
- Isaiah 54:15 Or, stir up strife
- Isaiah 54:15 Or, shall fall away to thee
- Isaiah 54:16 Or, its
- Isaiah 54:17 Or, their righteousness is of me
Magandang Balita Biblia, Copyright © Philippine Bible Society 2012.
Public Domain (Why are modern Bible translations copyrighted?)