Isaias 29
Ang Biblia, 2001
Ang mga Kaaway ng Jerusalem
29 Kahabag-habag ka, Ariel, Ariel,
na bayang pinagkampuhan ni David!
Magdagdag kayo ng taon sa taon;
hayaang matapos ang kanilang mga kapistahan.
2 Gayunma'y aking pahihirapan ang Ariel,
at magkakaroon ng pagtangis at panaghoy,
at sa akin siya'y magiging gaya ng Ariel.
3 Ako'y magtatayo ng kampo laban sa iyo sa palibot,
at kukubkubin kita ng mga kuta,
at ako'y maglalagay ng mga pangkubkob laban sa iyo.
4 Ikaw ay magsasalita mula sa kalaliman ng lupa,
at mula sa kababaan ng alabok ay darating ang iyong salita,
at ang iyong tinig ay magmumula sa lupa na gaya ng tinig ng multo,
at ang iyong pananalita ay bubulong mula sa alabok.
5 Ngunit ang karamihan sa iyong mga kaaway ay magiging gaya ng munting alabok,
at ang karamihan ng mga malulupit ay gaya ng ipang inililipad ng hangin.
At sa isang iglap, bigla,
6 ikaw ay dadalawin ng Panginoon ng mga hukbo
na may kulog, at may lindol, at ng malaking ingay,
ng ipu-ipo at bagyo, at ng liyab ng tumutupok na apoy.
7 At ang karamihan ng lahat ng mga bansang nakikidigma laban sa Ariel,
lahat na lumaban sa kanya at sa kanyang kuta, at ang nagpapahirap sa kanya,
ay magiging gaya ng panaginip, ng isang pangitain sa gabi.
8 At gaya ng kung ang isang gutom ay nananaginip na siya ay kumakain,
at nagising na ang kanyang pagkagutom ay hindi napawi,
o gaya ng kung ang isang taong uhaw ay nananaginip na siya'y umiinom,
at gumising na nanghihina, at ang kanyang pagkauhaw ay di napawi,
gayon ang mangyayari sa karamihan ng lahat ng mga bansa,
na lumalaban sa Bundok ng Zion.
Bulag at Mapagmalaki ang Israel
9 Kayo'y matigilan at matuliro,
kayo'y magpakabulag at maging bulag!
Magpakalasing, ngunit hindi sa alak;
sumuray, ngunit hindi sa matapang na alak!
10 Sapagkat(A) ibinuhos ng Panginoon sa inyo
ang espiritu ng mahimbing na pagkakatulog,
at ipinikit ang inyong mga mata, kayong mga propeta;
at tinakpan ang inyong mga ulo, kayong mga tagakita.
11 At ang pangitain ng lahat ng ito ay naging sa inyo'y gaya ng mga salita ng aklat na natatakan. Kapag ibibigay ng mga tao sa isang marunong bumasa, na sinasabi, “Iyong basahin ito,” kanyang sinasabi, “Hindi ko mababasa, sapagkat natatatakan.”
12 Nang ang aklat ay ibigay sa isa na hindi marunong bumasa, na sinasabi, “Iyong basahin ito,” kanyang sinasabi, “Ako'y hindi marunong bumasa.”
13 At(B) sinabi ng Panginoon,
“Sapagkat ang bayang ito ay lumalapit sa pamamagitan ng kanilang bibig,
at pinapupurihan ako ng kanilang labi,
samantalang malayo ang kanilang puso sa akin,
at ang kanilang takot sa akin ay utos ng mga tao na natutunan sa pamamagitan ng pagsasaulo;
14 dahil(C) dito,
muli akong gagawa ng kahanga-hangang mga gawa sa bayang ito,
kahanga-hanga at kagila-gilalas,
at ang karunungan ng kanilang mga pantas ay mapapawi,
at ang unawa ng kanilang mga taong may unawa ay malilihim.”
15 Kahabag-habag sila, na itinatago nang malalim ang kanilang payo sa Panginoon
at ang mga gawa ay nasa kadiliman,
at kanilang sinasabi, “Sinong nakakakita sa atin? At sinong nakakakilala sa atin?”
16 Inyong(D) binabaligtad ang mga bagay!
Ituturing bang putik ang magpapalayok;
upang sabihin ng bagay na niyari sa gumawa sa kanya,
“Hindi niya ako ginawa”;
o sabihin ng bagay na inanyuan sa kanya na nag-anyo nito,
“Siya'y walang unawa”?
Ang Pagtubos sa Israel
17 Hindi ba sandaling-sandali na lamang,
at ang Lebanon ay magiging mabungang lupain,
at ang mabungang lupain ay ituturing na gubat?
18 At sa araw na iyon ay maririnig ng bingi
ang mga salita ng isang aklat,
at mula sa kanilang kapanglawan at kadiliman
ang mga mata ng bulag ay makakakita.
19 Ang maamo ay magtatamo ng sariwang kagalakan sa Panginoon,
at ang dukha sa gitna ng mga tao ay magagalak sa Banal ng Israel.
20 Sapagkat ang malupit ay mauuwi sa wala,
at ang manlilibak ay tumigil,
at ang lahat ng naghihintay sa paggawa ng kasamaan ay tatanggalin,
21 iyong mga nagdadala sa tao sa kahatulan,
at naglalagay ng bitag para sa tagahatol sa may pintuan,
at walang dahilang ipinagkakait ang katarungan sa nasa katuwiran.
22 Kaya't ganito ang sabi ng Panginoon, na siyang tumubos kay Abraham, tungkol sa sambahayan ni Jacob,
“Si Jacob ay hindi na mapapahiya,
hindi na mamumutla ang kanyang mukha.
23 Sapagkat kapag kanyang nakikita ang kanyang mga anak,
ang gawa ng aking mga kamay, sa gitna niya,
ay kanilang pababanalin ang aking pangalan;
kanilang pababanalin ang Banal ni Jacob,
at tatayong may paggalang sa Diyos ng Israel.
24 Sila namang nagkakamali sa espiritu ay darating sa pagkaunawa,
at silang nagbubulung-bulungan ay tatanggap ng aral.”
Isaias 29
Ang Dating Biblia (1905)
29 Hoy Ariel, Ariel, na bayang hinantungan ni David! magdagdag kayo ng taon sa taon; magdiwang sila ng mga kapistahan:
2 Akin ngang pahihirapan ang Ariel, at magsisitangis at mananaghoy: at siya'y magiging gaya ng Ariel sa akin.
3 At ako'y magtatayo ng kampamento laban sa iyo sa palibot, at kukubkubin kita ng mga kuta, at ako'y magbabangon ng mga pangkubkob laban sa iyo.
4 At ikaw ay mabababa, at magsasalita mula sa lupa, at ang iyong salita ay magiging mababa na mula sa alabok: at ang iyong tinig ay magiging gaya ng isang nakikipagsanggunian sa masamang espiritu, mula sa lupa, at ang iyong pananalita ay bubulong mula sa alabok.
5 Nguni't ang karamihan ng iyong mga kaaway ay magiging gaya ng munting alabok, at ang karamihan ng mga kakilakilabot ay gaya ng ipang inililipad ng hangin: oo, magiging sa biglang sandali.
6 Siya'y dadalawin ng Panginoon ng mga hukbo sa pamamagitan ng kulog, at ng lindol, at ng malaking kaingay, ng ipoipo at bagyo, at ng liyab ng mamumugnaw na apoy.
7 At ang karamihan ng lahat na bansa na nagsisilaban sa Ariel, lahat na nagsisilaban sa kaniya at sa kaniyang kuta, at ang nagpapahirap sa kaniya, ay magiging gaya ng panaginip na isang pangitain sa gabi.
8 At mangyayari, na gaya ng kung ang isang gutom ay nananaginip, at, narito, siya'y kumakain; nguni't siya'y nagigising, at ang kaniyang kaluluwa ay walang anoman: o gaya ng kung ang isang uhaw ay nananaginip, at, narito, siya'y umiinom; nguni't siya'y nagigising, at, narito, siya'y malata, at ang kaniyang kaluluwa ay uhaw: gayon ang mangyayari sa karamihan ng lahat na bansa, na nagsisilaban sa bundok ng Sion.
9 Kayo'y mangatigilan at manganggilalas; kayo'y mangalugod at mangabulag: sila'y lango, nguni't hindi sa alak; sila'y gumigiray, nguni't hindi sa matapang na alak.
10 Sapagka't inihulog ng Panginoon sa inyo ang diwa ng mahimbing na pagkakatulog, at ipinikit ang inyong mga mata, na mga propeta; at ang iyong mga pangulo, na mga tagakita, ay kaniyang tinakpan.
11 At ang lahat ng pangitain ay naging sa inyo'y gaya ng mga salita ng aklat na natatatakan, na ibinibigay ng mga tao sa isang marunong bumasa, na sinasabi, Iyong basahin ito, isinasamo ko sa iyo: at kaniyang sinasabi, Hindi ko mababasa, sapagka't natatatakan;
12 At ang aklat ay nabigay sa kaniya na hindi marunong, na sinasabi, Iyong basahin ito, isinasamo ko sa iyo: at kaniyang sinasabi, Ako'y hindi marunong bumasa.
13 At sinabi ng Panginoon, Yamang ang bayang ito ay lumapit sa akin, at pinapupurihan ako ng kanilang bibig at ng kanilang mga labi, nguni't inilayo ang kanilang puso sa akin, at ang kanilang takot sa akin ay utos ng mga tao na itinuro sa kanila:
14 Dahil dito narito, pasisimulan kong gawin ang isang kagilagilalas na gawa sa gitna ng bayang ito, isang kagilagilalas na gawa at kamanghamangha: at ang karunungan ng kanilang mga pantas ay mapapawi, at ang unawa ng kanilang mga mabait ay malilingid.
15 Sa aba nila, na nagsisihanap ng kalaliman upang ilingid sa Panginoon ang kanilang payo, at ang kanilang mga gawa ay nasa kadiliman, at kanilang sinasabi, Sinong nakakakita sa atin? at sinong nakakakilala sa atin?
16 Kayo'y nangagbabaligtad ng mga bagay! Maibibilang bagang putik ang magpapalyok; upang sabihin ng bagay na yari sa may-gawa sa kaniya, Hindi niya ginawa ako; o sabihin ng bagay na may anyo tungkol sa naganyo, Siya'y walang unawa?
17 Hindi baga sangdaling-sangdali na lamang, at ang Libano ay magiging mainam na bukid, at ang mainam na bukid ay magiging pinakagubat?
18 At sa araw na yaon ay makikinig ang pipi ng mga salita ng aklat, at ang mga mata ng bulag ay makakakita mula sa kalabuan at sa kadiliman.
19 At mananagana naman sa kanilang kagalakan sa Panginoon, ang maamo, at ang dukha sa gitna ng mga tao ay magagalak sa Banal ng Israel.
20 Sapagka't ang kakilakilabot ay nauwi sa wala, at ang mangduduwahagi ay naglilikat, at ang lahat na nagbabanta ng kasamaan ay nangahiwalay:
21 Yaong nakapagkasala sa tao sa isang usapin, at naglalagay ng silo doon sa sumasaway sa pintuang-bayan, at nagliligaw sa ganap na tao sa pamamagitan ng walang kabuluhan.
22 Kaya't ganito ang sabi ng Panginoon, na siyang tumubos kay Abraham, tungkol sa sangbahayan ni Jacob, Si Jacob nga ay hindi mapapahiya o mamumula pa man ang kaniyang mukha.
23 Nguni't pagka kaniyang nakikita ang kaniyang mga anak, ang gawa ng aking mga kamay, sa gitna niya, ay kanilang aariing banal ang aking pangalan; oo, kanilang aariing banal ang Banal ni Jacob, at magsisitayong may takot sa Dios ng Israel.
24 Sila namang nangamamali sa diwa ay darating sa pagkaunawa, at silang mga mapag-upasala ay mangatututo ng aral.
Isaiah 29
EasyEnglish Bible
A sad song about Ariel
29 It will be very bad for Ariel, the city where David lived.[a] Continue to have your usual feasts every year, but trouble will come!
2 I will bring trouble to Ariel. The people there will be very sad and they will weep. Ariel will become like my altar for burnt offerings.[b]
3 I will bring an army to attack you. There will be soldiers all round the city so that nobody can leave. I will build strong towers against the city's walls. 4 Then you will fall down to the ground. While you lie there, you will speak. Your words will come quietly from deep down in the dirt. It will seem like the voice of a dead person's spirit. You will sound like a magician who is speaking magic words.
5 Your enemies will be like an army of dust. The wind will blow away that crowd of cruel men as if they are chaff. That will all happen very suddenly! 6 The Lord Almighty will come with great power. He will come with thunder, earthquake and a loud noise. There will be a great storm with strong winds and a fire that burns up everything.
7 The great crowd of armies from all the nations that attack Ariel will quickly disappear. They will soon come to an end, like a dream that someone sees in the night. All the weapons that they bring to attack the city's walls will disappear!
8 A hungry man may dream that he is eating a big meal. But as soon as he wakes up, he knows that he is still hungry! A thirsty man may dream that he is drinking. But as soon as he wakes up, he knows that he is still weak and thirsty. That is what it will be like for the great armies from all the nations that have come to attack Mount Zion.
9 You are so surprised that you do not believe what I say. You have become completely blind. You are stupid, like people who are drunk, but not from wine! You fall over, but not because you have drunk too much beer!
10 It is the Lord who has caused you to be like that. He has caused you to be completely asleep. He has shut the eyes of your prophets and he has covered the heads of your seers.
11 You do not understand this vision that the Lord has given to me. It is like the words in a closed book. Give the book to someone who can read. Say to him, ‘Read this, please.’ But he will answer, ‘I cannot read it, because someone has closed it.’ 12 Give the book to someone who cannot read and tell them, ‘Read it, please.’ But he will answer, ‘I do not know how to read.’
13 The Lord God says, ‘These people open their mouths to worship me. They use their lips to say that I am great. But they are not really thinking about me. When they worship me, they use rules that people have taught them. 14 So now I will surprise these people again. I will surprise them with great miracles! Wise people will not seem wise any more. Clever people will no longer seem to be clever.’
15 It will be very bad for people who try to deceive the Lord. They try to hide their thoughts from him. They secretly decide to do evil things. They boast and they say, ‘Nobody can see us. Nobody knows what we are doing.’
16 Your minds are really confused! You think that the clay is more important than the person who uses it to make pots! A bowl cannot say to its maker, ‘You did not make me!’ A pot cannot say to the potter, ‘You do not know what you are doing!’
17 Very soon, Lebanon's forest will become a field of fruit trees. And the field of fruit trees will seem like a forest. 18 At that time, deaf people will be able to hear when someone is reading words from a book. Blind people who have been living in a dark place will be able see what is happening. 19 And the Lord will make weak people happy again. Poor people will sing with joy, because of what the Holy God of Israel has done.
20 Cruel people will disappear. Proud people who insult others will no longer be there. There will be no more people who love to do evil things.
21 It will be the same for people who tell lies in court. They deceive the judge at the city gate. They say false things against good people to make them guilty. People who are like that will have gone!
22 So this is what the Lord says to Jacob's descendants. He is the one who rescued Abraham. He says, ‘Jacob's descendants will no longer be ashamed. Their faces will show their shame no more. 23 They will see that I have blessed them so that they have many children. Then they will agree that I am great. They will praise me, the Holy God of Jacob. They will respect me, Israel's God.
24 At that time, people with minds that are confused will understand what is right. And people who like to complain will accept my teaching.’
EasyEnglish Bible Copyright © MissionAssist 2019 - Charitable Incorporated Organisation 1162807. Used by permission. All rights reserved.