I Samuelis 8:11-13

Biblia Sacra Vulgata

¹¹ Et ait: Hoc erit jus regis, qui imperaturus est vobis: filios vestros tollet, et ponet in curribus suis: facietque sibi equites et praecursores quadrigarum suarum,

¹² et constituet sibi tribunos, et centuriones, et aratores agrorum suorum, et messores segetum, et fabros armorum et curruum suorum.

¹³ Filias quoque vestras faciet sibi unguentarias, et focarias, et panificas.