Amos 1-3

Ang Biblia (1978)

Ang hatol ng Panginoon sa mga kalapit bansa.

1 Ang mga salita ni Amos, ^(A)na nasa gitna ng mga pastor sa ^(B)Tecoa, na nakita niya tungkol sa Israel, nang mga kaarawan ni ^(C)Uzzia na hari sa Juda, at nang mga kaarawan ni ^(D)Jeroboam na anak ni Joas na hari sa Israel, na dalawang taon bago ^(E)lumindol.

² At kaniyang sinabi, Ang Panginoon ay aangal mula sa Sion, at sisigaw ng kaniyang tinig mula sa Jerusalem; at ang mga pastulan ng mga pastor ay mananambitan, at ang taluktok ng Carmelo ay matutuyo.

³ Ganito ang sabi ng Panginoon: ^(F)Dahil sa tatlong pagsalangsang ng ^(G)Damasco, oo, dahil sa apat, hindi ko ihihiwalay ang kaparusahan sa kaniya; ^(H)sapagka't kanilang giniik ang Galaad ng panggiik na bakal.

⁴ Nguni't aking susuguin ang isang apoy sa loob ng bahay ni Hazael, at susupukin niyaon ang mga palacio ni ^(I)Ben-hadad.

⁵ At aking iwawasak ang ^(J)halang ng Damasco, at aking ihihiwalay ang mananahan mula sa libis ng Aven, at siyang humahawak ng cetro mula sa bahay ng Eden; at ang bayan ng Siria ay papasok sa pagkabihag hanggang sa Chir, sabi ng Panginoon.

⁶ Ganito ang sabi ng Panginoon: Dahil sa tatlong pagsalangsang ^(K)ng Gaza, oo, dahil sa apat, hindi ko ihihiwalay ang kaparusahan sa kaniya; ^(L)sapagka't kanilang dinalang bihag ang buong bayan, ^(M)upang ibigay sa Edom.

⁷ Nguni't ako'y magsusugo ng isang apoy sa kuta ng Gaza, at susupukin niyaon ang mga palacio niyaon:

⁸ At aking ihihiwalay ang mananahan mula sa Asdod, at siyang humahawak ng cetro mula sa Ascalon; at aking ipipihit ang aking kamay laban sa Ecron, at ^(N)ang nalabi sa mga Filisteo ay malilipol, sabi ng Panginoong Dios.

⁹ Ganito ang sabi ng Panginoon: Dahil sa tatlong pagsalangsang ng ^(O)Tiro, oo, dahil sa apat, hindi ko ihihiwalay ang kaparusahan sa kaniya; ^(P)sapagka't kanilang ibinigay ang buong bayan sa Edom, at hindi inalaala ang ^(Q)tipan ng pagkakapatiran.

¹⁰ Nguni't ako'y magsusugo ng isang apoy sa kuta ng Tiro, at susupukin niyaon ang mga palacio niyaon.

¹¹ Ganito ang sabi ng Panginoon: Dahil sa tatlong pagsalangsang ng ^(R)Edom, oo, dahil sa apat, hindi ko ihihiwalay ang kaparusahan sa kaniya; sapagka't hinabol niya ng ^(S)tabak ang kaniyang kapatid, at ipinagkait ang buong habag, at ang kaniyang galit ay laging nanglilipol, at taglay niya ang kaniyang poot magpakailan man.

¹² Nguni't magsusugo ako ng isang apoy sa Teman, at susupukin niyaon ang mga palacio sa Bozra.

¹³ Ganito ang sabi ng Panginoon: Dahil sa tatlong pagsalangsang ng ^(T)mga anak ni Ammon, oo, dahil sa apat, hindi ko ihihiwalay ang kaparusahan sa kanila; sapagka't ^(U)kanilang pinaluwa ang bituka ng mga babaing nagdadalang tao sa Galaad, upang kanilang mapalapad ang kanilang hangganan.

¹⁴ Nguni't aking papagniningasin ang isang apoy sa kuta ng ^(V)Rabba, at susupukin niyaon ang mga palacio niyaon, na may hiyawan sa kaarawan ng pagbabaka, na may bagyo sa kaarawan ng ipoipo;

¹⁵ At ang kanilang hari ay papasok sa pagkabihag, siya at ang kaniyang mga prinsipe na magkakasama, sabi ng Panginoon.

Hatol sa Moab.

2 Ganito ang sabi ng Panginoon: ^(W)Dahil sa tatlong pagsalangsang ng Moab, oo, dahil sa apat, hindi ko ihihiwalay ang kaparusahan sa kaniya; sapagka't ^(X)kaniyang sinunog ang mga buto ng hari sa Edom na pinapaging apog.

² Nguni't ako'y magsusugo ng isang apoy sa Moab, at susupukin niyaon ang mga palacio ng Cherioth; at ang Moab ay mamamatay na may kaingay, may hiyawan, at may tunog ng pakakak.

³ At aking ihihiwalay ang hukom sa gitna niyaon, at papatayin ko ang lahat na prinsipe niyaon na kasama niya, sabi ng Panginoon.

Ang hatol sa Juda at sa Israel.

⁴ Ganito ang sabi ng Panginoon: Dahil sa tatlong pagsalangsang ng Juda, oo, dahil sa apat, hindi ko ihihiwalay ang kaparusahan sa kaniya; ^(Y)sapagka't kanilang itinakuwil ang kautusan ng Panginoon, at hindi iningatan ang kaniyang mga palatuntunan, at iniligaw sila ng kanilang mga pagbubulaan, ^(Z)ayon sa inilakad ng kanilang mga magulang.

⁵ Nguni't magsusugo ako ng isang apoy sa Juda; at susupukin niyaon ang mga palacio ng Jerusalem.

⁶ Ganito ang sabi ng Panginoon, Dahil sa tatlong pagsalangsang ng Israel, oo, dahil sa apat, hindi ko ihihiwalay ang kaparusahan sa kaniya; sapagka't ^(AA)kanilang ipinagbili ang matuwid dahil sa pilak, at ^(AB)ang mapagkailangan sa dalawang paang panyapak—

⁷ Na iniimbot ang ^(AC)alabok sa lupa na nasa ulo ng dukha, at inililiko ang lakad ng maamo: at ang magama ay sumisiping sa isang dalaga, upang lapastanganin ang aking banal na pangalan:

⁸ At sila'y nangahihiga sa tabi ng lahat na dambana, sa ibabaw ^(AD)ng mga kasuutang sangla; at sa bahay ng kanilang Dios ay nagsisiinom ng alak ng mga multa.

⁹ Gayon ma'y nililipol ko ^(AE)ang Amorrheo sa harap nila, na ang taas ay gaya ng taas ng mga cedro, at siya'y malakas na gaya ng mga encina; gayon ma'y nilipol ko ang kaniyang bunga sa itaas, at ang kaniyang mga ugat sa ilalim.

¹⁰ Iniahon ^(AF)ko rin kayo sa lupain ng Egipto, at pinatnubayan ko kayong apat na pung taon sa ilang, upang ariin ninyo ang lupain ng Amorrheo.

¹¹ At nagbangon ako sa inyong mga anak ng mga propeta, at sa inyong mga binata ng mga ^(AG)Nazareo. Di baga gayon, Oh kayong mga anak ng Israel? sabi ng Panginoon.

^12 (AH)Nguni't binigyan ninyo ang mga Nazareo ng alak na maiinom, at inutusan ninyo ang mga propeta, na sinasabi, Huwag kayong manganghuhula.

¹³ Narito, aking huhutukin kayo sa inyong dako, na gaya ng isang karong nahuhutok na puno ng mga bigkis.

¹⁴ At ^(AI)ang pagtakas ay mapapawi sa ^(AJ)matulin; at ang malakas ay hindi makaaasa sa kaniyang kalakasan; ni ang makapangyarihan man ay makapagliligtas sa sarili;

¹⁵ Ni makatitindig man siyang humahawak ng busog; at siyang matulin sa paa ay hindi makaliligtas; ^(AK)ni siya mang nakasakay sa kabayo ay makaliligtas:

¹⁶ At siya na matapang sa mga makapangyarihan ay tatakas na hubad sa araw na yaon, sabi ng Panginoon.

Ang pangangailangan ng paghula ng masama laban sa Israel.

3 Dinggin ninyo ang salitang ito na sinalita ng Panginoon laban sa inyo, Oh ^(AL)mga anak ni Israel, laban sa buong angkan ^(AM)na aking iniahon mula sa lupain ng Egipto, na sinasabi,

² Kayo lamang ang aking ^(AN)nakilala sa lahat ng angkan sa lupa: ^(AO)kaya't aking dadalawin sa inyo ang lahat ninyong kasamaan.

³ Makalalakad baga ang dalawa na magkasama, liban na sila'y magkasundo?

⁴ Uungal baga ang leon sa gubat, kung wala siyang huli? sisigaw baga ang batang leon sa kaniyang yungib, kung wala siyang huling anoman?

⁵ Malalaglag baga ang ibon sa silo sa ibabaw ng lupa, ng walang silo sa kaniya? lulukso baga ang panghuli mula sa lupa, at walang nahuling anoman?

⁶ Tutunog baga ang pakakak sa bayan, at ang bayan ay hindi manginginig? ^(AP)sasapit baga ang kasamaan sa bayan, at hindi ginawa ng Panginoon?

⁷ Tunay na ang Panginoong Dios ay walang gagawin, ^(AQ)kundi kaniyang ihahayag ang kaniyang lihim sa kaniyang mga lingkod na mga propeta.

⁸ Ang leon ay umungal, sinong di matatakot? Ang Panginoong Dios ay nagsalita; ^(AR)sinong hindi manghuhula?

⁹ Ihayag ninyo sa mga palacio sa ^(AS)Asdod, at sa mga palacio sa lupain ng Egipto, at inyong sabihin, Magpipisan kayo sa mga bundok ng ^(AT)Samaria, at inyong masdan kung anong laking ingay ang nandoon, at kung anong pahirap ang nasa gitna niyaon.

¹⁰ Sapagka't hindi sila marunong magsigawa ng matuwid, sabi ng Panginoon, na nagiimbak ng pangdadahas at pagnanakaw sa kanilang mga palacio.

¹¹ Kaya't ganito ang sabi ng Panginoong Dios: Kaaway ay paririto sa palibot ng lupain; at kaniyang ibabagsak ang lakas mo sa iyo, at ang iyong mga palacio ay sasamsaman.

¹² Ganito ang sabi ng Panginoon: Kung paanong inaagaw ng pastor sa bibig ng leon ang dalawang hita, o ang isang putol ng tainga; gayon ililigtas ang mga anak ni Israel na nangauupo sa Samaria sa sulok ng hiligan, at sa mga sedang colchon ng higaang malaki.

¹³ Dinggin ninyo, at patotohanan ninyo laban sa sangbahayan ni Jacob, sabi ng Panginoong Dios, ng Dios ng mga hukbo.

¹⁴ Sapagka't sa araw na aking dadalawin ang mga pagsalangsang ng Israel sa kaniya, aking dadalawin din ang mga ^(AU)dambana ng ^(AV)Beth-el, at ang mga ^(AW)sungay ng dambana ay mahihiwalay, at malalaglag sa lupa.

¹⁵ At aking sisirain ^(AX)ang bahay na pangtagginaw na kasabay ng bahay na pangtaginit; at ^(AY)ang mga bahay na garing ay mangawawala, at ang mga malaking bahay ay magkakawakas, sabi ng Panginoon.