I Paralipomenon 25:6-8

Biblia Sacra Vulgata

⁶ Universi sub manu patris sui ad cantandum in templo Domini distributi erant, in cymbalis, et psalteriis, et citharis, in ministeria domus Domini juxta regem: Asaph videlicet, et Idithun, et Heman.

⁷ Fuit autem numerus eorum cum fratribus suis, qui erudiebant canticum Domini, cuncti doctores, ducenti octoginta octo.

⁸ Miseruntque sortes per vices suas, ex aequo tam major quam minor, doctus pariter et indoctus.