1 Samuel 30:5-7

Magandang Balita Biblia

⁵ Binihag^(A) din ang dalawang asawa ni David na sina Ahinoam at Abigail.

⁶ Balisang-balisa si David sapagkat pinag-uusapan ng kanyang mga tauhan na pagbabatuhin siya dahil sa sama ng loob sa pagkawala ng kanilang mga anak. Ngunit dumulog si David kay Yahweh na kanyang Diyos upang palakasin ang kanyang loob. ⁷ Sinabi^(B) ni David kay Abiatar, “Dalhin mo rito ang efod.” At dinala naman ni Abiatar.