3 At ako, mga kapatid, ay hindi nakapagsalita sa inyo na tulad sa mga nasa ^(A)espiritu, kundi tulad sa mga nasa ^(B)laman, tulad sa ^(C)mga sanggol kay Cristo.

² Kinandili ko kayo ng ^(D)gatas, at hindi ng lamang-kati; ^(E)sapagka't kayo'y wala pang kaya noon: wala, na ngayon pa man ay wala kayong kaya;

³ Sapagka't kayo'y mga sa laman pa: sapagka't samantalang sa inyo'y may mga paninibugho at ^(F)mga pagtatalo, hindi baga kayo'y mga sa laman, at kayo'y nagsisilakad ayon sa kaugalian ng mga tao?

⁴ Sapagka't kung sinasabi ng isa, ^(G)Ako'y kay Pablo; at ng iba, ^(H)Ako'y kay Apolos; hindi baga kayo'y mga tao?

⁵ Ano nga si Apolos? at Ano si Pablo? ^(I)Mga ministro na sa pamamagitan nila ay nagsisampalataya kayo; at sa bawa't isa ^(J)ayon sa ipinagkaloob ng Panginoon ^(K)sa kaniya.

⁶ Ako ang ^(L)nagtanim, ^(M)si Apolos ang nagdilig; ^(N)nguni't ang Dios ang siyang nagpalago.

⁷ Ano pa't walang anoman ang nagtatanim, ni ang nagdidilig; kundi ang Dios na nagpapalago.

⁸ Ngayon ang nagtatanim at ang nagdidilig ay iisa: nguni't ang ^(O)bawa't isa ay tatanggap ng kaniyang sariling kagantihan ayon sa kaniyang sariling pagpapagal.

⁹ Sapagka't ^(P)tayo ay mga kamanggagawa ng Dios: kayo ang bukid ng Dios, ^(Q)ang gusali ng Dios.

¹⁰ Ayon sa biyaya ng Dios na ibinigay sa akin, na tulad sa matalinong tagapagtayo ay inilagay ko ang pinagsasaligan; at iba ang nagtatayo sa ibabaw nito. Nguni't ingatan ng bawa't tao kung paano ang pagtatayo niya sa ibabaw nito.

¹¹ Sapagka't sinoman ay hindi makapaglalagay ng ibang pinagsasaligan, kundi ang nalalagay na, ^(R)na ito'y si Cristo Jesus.

¹² Datapuwa't kung ang sinoma'y magtatayo sa ibabaw ng pinagsasaligang ito ng ginto, pilak, mga mahahalagang bato, kahoy, tuyong dayami;

¹³ Ang gawa ^(S)ng bawa't isa ay mahahayag: sapagka't ^(T)ang araw ^(U)ang magsasaysay, sapagka't sa pamamagitan ng apoy inihahayag; at ang apoy rin ang susubok sa gawa ng bawa't isa kung ano yaon.

¹⁴ Kung ang gawa ng sinoman ay manatili, na kaniyang itinayo sa ibabaw niyaon, siya'y tatanggap ng kagantihan.

¹⁵ Kung ang gawa ng sinoman ay masunog, ^(V)ay malulugi siya: nguni't siya sa kaniyang sarili ay maliligtas; gayon ma'y ^(W)tulad sa pamamagitan ng apoy.

¹⁶ Hindi baga ninyo nalalaman ^(X)na kayo'y templo ng Dios, at ^(Y)ang Espiritu ng Dios ay nananahan sa inyo?

¹⁷ Kung gibain ng sinoman ang templo ng Dios, siya'y igigiba ng Dios; sapagka't ang templo ng Dios ay banal, na ang templong ito ay kayo.

¹⁸ Sinoma'y huwag ^(Z)magdaya sa kaniyang sarili. ^(AA)Kung ang sinoman sa inyo ay nagiisip na siya'y marunong sa kapanahunang ^(AB)ito, ay magpakamangmang siya, upang siya ang maging marunong.

¹⁹ Sapagka't ang ^(AC)karunungan ng sanglibutang ito ay kamangmangan sa Dios. Sapagka't nasusulat, ^(AD)Hinuhuli niya ang marurunong sa kanilang katusuhan:

²⁰ At muli, ^(AE)Nalalaman ng Panginoon ang pangangatuwiran ng marurunong, na pawang walang kabuluhan.

²¹ Kaya't ^(AF)huwag ipagmamapuri ninoman sa mga tao, Sapagka't ang lahat ng mga bagay ay sa inyo.

²² Kahit si Pablo, kahit si Apolos, kahit si ^(AG)Cefas, kahit ang sanglibutan, kahit ang buhay, kahit ang kamatayan, kahit ^(AH)ang mga bagay na kasalukuyan, kahit ang mga bagay na darating; ^(AI)lahat ay sa inyo:

²³ At ^(AJ)kayo'y kay Cristo; at si Cristo ay sa Dios.