1 Corinto 2
Magandang Balita Biblia
Ang Ipinapangaral ni Pablo
2 Mga kapatid, nang ako'y pumunta riyan, ipinahayag ko sa inyo ang hiwaga[a] ng Diyos hindi sa pamamagitan ng kahusayan ng pananalita o ng malawak na karunungan. 2 Sapagkat noong ako'y nariyan, ipinasya kong wala akong ibang ipapaalam sa inyo maliban kay Jesu-Cristo at ang kanyang kamatayan sa krus. 3 Noong(A) ako'y nariyan, ako'y nanghihina at nanginginig sa takot. 4 Sa aking pananalita at pangangaral ay hindi ko sinubukang hikayatin kayo sa pamamagitan ng mahuhusay na talumpati at karunungan ng tao. Subalit nangaral ako sa pamamagitan ng kapangyarihan ng Espiritu 5 upang ang inyong pananampalataya ay masandig sa kapangyarihan ng Diyos at hindi sa karunungan ng tao.
Ang Karunungan ng Diyos
6 Gayunpaman, sa mga taong matatag na sa buhay espirituwal ay nangangaral kami ng salita ng karunungan, hindi karunungan ng mundong ito, o ng mga tagapamahala sa mundong ito na ang kapangyarihan ay lilipas. 7 Subalit ang ipinapahayag namin ay ang lihim na karunungan ng Diyos na hindi nahayag noong una, na itinalaga na niya para sa ating ikaluluwalhati bago pa likhain ang sanlibutan. 8 Walang(B) isa man sa mga tagapamahala sa daigdig na ito ang nakaunawa sa karunungang iyon, sapagkat kung naunawaan nila iyon, hindi sana nila ipinako sa krus ang Panginoon ng kaluwalhatian. 9 Subalit(C) tulad ng nasusulat,
“Hindi pa nakikita ng mata, o naririnig ng tainga,
ni hindi pa sumasagi sa isip ng tao
ang mga inihanda ng Diyos para sa mga umiibig sa kanya.”
10 Ngunit ito'y inihayag na ng Diyos sa atin sa pamamagitan ng Espiritu. Sinasaliksik ng Espiritu ang lahat ng bagay, maging ang mga pinakamalalim na bagay na may kinalaman sa Diyos. 11 Walang nakakaalam sa iniisip ng isang tao maliban sa kanyang sariling espiritu. Gayundin naman, walang nakakaalam sa mga iniisip ng Diyos maliban sa Espiritu ng Diyos. 12 Ang tinanggap natin ay hindi ang espiritu ng sanlibutan kundi ang Espiritu na mula sa Diyos upang maunawaan natin ang mga kaloob niya sa atin.
13 Kaya nga, kami ay nangangaral hindi sa pamamagitan ng karunungan ng tao kundi sa pamamagitan ng Espiritu. Ang ipinapaliwanag namin ay mga katotohanang espirituwal para sa mga nagtataglay ng Espiritu. 14 Sapagkat ang taong hindi nagtataglay ng Espiritu ay hindi kayang tumanggap ng mga kaloob mula sa Espiritu ng Diyos. Para sa kanila, kahangalan ang mga iyon at di nila nauunawaan, sapagkat ang mga bagay na espirituwal ay mauunawaan lamang sa paraang espirituwal. 15 Nauunawaan ng taong nagtataglay ng Espiritu ang kahalagahan ng lahat ng bagay, ngunit hindi siya nauunawaan ng taong hindi nagtataglay ng Espiritu.
16 “Sino(D) ang nakakaalam ng pag-iisip ng Panginoon?
Sino ang makapagpapayo sa kanya?”
Ngunit nasa atin[b] ang pag-iisip ni Cristo.
Footnotes
- 1 Corinto 2:1 hiwaga: Sa ibang manuskrito'y patotoo .
- 1 Corinto 2:16 atin: o kaya'y amin .
1 Corinthians 2
Tree of Life Version
Wisdom that Rests on God’s Power
2 When I came to you, brothers and sisters, I did not come with excellence of speech or wisdom, proclaiming to you the mystery[a] of God. 2 For I decided not to know about anything among you except Yeshua the Messiah—and Him crucified. 3 I was with you in weakness and in fear and in much trembling. 4 My speech and my preaching were not with persuasive words of wisdom, but in demonstration of the Spirit and of power— 5 so that your faith would not be in the wisdom of men but in the power of God.
6 We do speak wisdom, however, among those who are mature—but not a wisdom of this age or of the rulers of this age, who are coming to nothing. 7 Rather, we speak God’s wisdom in a mystery—a wisdom that has been hidden, which God destined for our glory before the ages. 8 None of the rulers of this age understood it—for if they had, they would not have crucified the Lord of glory. 9 But as it is written,
“Things no eye has seen
and no ear has heard,
that have not entered the heart of mankind—
these things God has prepared
for those who love Him.”[b]
10 But God revealed these things to us through the Ruach.[c] For the Ruach searches all things—even the depths of God. 11 For who among men knows the things of a man, except the man’s spirit within him? In the same way, no one knows the things of God except the Ruach Elohim. 12 Now we have received not the spirit of the world, but the Spirit who is from God—so we might come to know the things freely given to us by God. 13 These things we also speak—not in words taught by human wisdom but in words taught by the Ruach, explaining the spiritual to the spiritual.
14 Now a natural man does not accept the things of the Ruach Elohim, for they are foolishness to him; and he cannot understand them, because they are spiritually discerned. 15 But the one who is spiritual discerns all things, and he himself is discerned by no one. For
16 “who has known the mind of Adonai,
that he will instruct Him?”[d]
But we have the mind of Messiah.
Footnotes
- 1 Corinthians 2:1 Some mss. say testimony.
- 1 Corinthians 2:9 Isa. 64:3(4).
- 1 Corinthians 2:10 Both the Heb. Ruach and Eng. spirit or Spirit are expressions of the Grk. pneuma.
- 1 Corinthians 2:16 Isa. 40:13.
Magandang Balita Biblia, Copyright © Philippine Bible Society 2012.
Tree of Life (TLV) Translation of the Bible. Copyright © 2015 by The Messianic Jewish Family Bible Society.