4 Mga minamahal, ^(A)huwag kayong magsipaniwala sa bawa't espiritu, ^(B)kundi inyong subukin ang mga espiritu, kung sila'y sa Dios: sapagka't ^(C)maraming nagsilitaw na ^(D)mga bulaang propeta sa sanglibutan.

² Dito'y nakikilala ninyo ang Espiritu ng Dios: ^(E)ang bawa't espiritung nagpapahayag na si Jesucristo ay ^(F)naparitong nasa laman ay sa Dios:

³ At ang ^(G)bawa't espiritung hindi ipinahahayag si Jesus, ay hindi sa Dios: at ito ang sa anticristo, na inyong narinig na darating; ^(H)at ngayo'y nasa sanglibutan na.

⁴ Kayo'y sa Dios, mumunti kong mga anak, at inyong dinaig sila: sapagka't lalong dakila ^(I)siyang nasa inyo ^(J)kay sa nasa sanglibutan.

⁵ Sila'y sa sanglibutan: kaya't tungkol sa sanglibutan ang sinasalita nila, at sila'y dinidinig ^(K)ng sanglibutan.

⁶ Tayo nga'y sa Dios: ^(L)ang nakakakilala sa Dios ay dumirinig sa atin; ang hindi sa Dios ay hindi dumirinig sa atin. Dito'y ating nakikilala ^(M)ang espiritu ng katotohanan, at ang espiritu ng kamalian.

⁷ Mga minamahal, mangagibigan tayo sa isa't isa: sapagka't ang pagibig ay sa Dios; at ang bawa't umiibig ay ipinanganak ng Dios, at nakakakilala sa Dios.

^8 (N)Ang hindi umiibig ay hindi nakakakilala sa Dios; sapagka't ang ^(O)Dios ay pagibig.

^9 (P)Dito nahayag ang pagibig ng Dios sa atin, sapagka't sinugo ng ^(Q)Dios ang kaniyang bugtong na Anak sa sanglibutan ^(R)upang tayo'y mabuhay sa pamamagitan niya.

¹⁰ Narito ang pagibig, ^(S)hindi sa tayo'y umibig sa Dios, kundi siya ang umibig sa atin, at sinugo ang kaniyang Anak ^(T)na pangpalubagloob sa ating mga kasalanan.

¹¹ Mga minamahal, ^(U)kung tayo'y inibig ng Dios ng gayon, ay nararapat na mangagibigan din naman tayo.

¹² Sinoman ay hindi nakakita kailan man sa Dios: ^(V)kung tayo'y nangagiibigan, ang ^(W)Dios ay nananahan sa atin, at ang kaniyang pagibig ay nagiging sakdal sa atin:

¹³ Dito'y nakikilala natin na ^(X)tayo'y nangananahan sa kaniya at siya'y sa atin, sapagka't binigyan niya tayo ng kaniyang Espiritu.

¹⁴ At ^(Y)nakita natin at sinasaksihan na sinugo ^(Z)ng Ama ang Anak upang maging ^(AA)Tagapagligtas ng sanglibutan.

¹⁵ Ang ^(AB)sinomang nagpapahayag ^(AC)na si Jesus ay Anak ng Dios, ang Dios ay nananahan sa kaniya, at siya'y sa Dios.

¹⁶ At ating nakilala at ating sinampalatayanan ang pagibig ng Dios sa atin. ^(AD)Ang Dios ay pagibig; at ang nananahan sa pagibig ay nananahan sa Dios, at ang Dios ay nananahan sa kaniya.

¹⁷ Dito'y naging sakdal ang pagibig sa atin, upang tayo'y magkaroon ng pagkakatiwala sa ^(AE)araw ng paghuhukom; sapagka't kung ano siya, ay gayon din naman tayo sa sanglibutang ito.

¹⁸ Walang takot sa pagibig: ^(AF)kundi ang sakdal na pagibig ay nagpapalayas ng takot, sapagka't ang takot ay may kaparusahan; at ang natatakot ay hindi pa pinasasakdal sa pagibig.

^19 (AG)Tayo'y nagsisiibig, sapagka't siya'y unang umibig sa atin.

²⁰ Kung sinasabi ng sinoman, ^(AH)Ako'y umiibig sa Dios, at napopoot sa kaniyang kapatid, ^(AI)ay sinungaling; sapagka't ang hindi umiibig sa kaniyang kapatid na kaniyang nakita, ay paanong makaiibig siya sa Dios na hindi niya nakita?

²¹ At ang utos na itong mula sa kaniya ay nasa atin, na ang umiibig sa Dios ay dapat umibig sa kaniyang kapatid.

Subukin ang mga Espiritu

4 Mga minamahal, huwag ninyong paniwalaan ang bawat espiritu, kundi inyong subukin ang mga espiritu, kung sila'y sa Diyos, sapagkat maraming lumitaw na mga bulaang propeta sa sanlibutan.

² Dito'y nakikilala ninyo ang Espiritu ng Diyos: ang bawat espiritung nagpapahayag na si Jesu-Cristo ay naparito sa laman ay sa Diyos,

³ at ang bawat espiritung hindi ipinahahayag si Jesus, ay hindi sa Diyos. Ito ang espiritu ng anti-Cristo, na inyong narinig na darating at ngayo'y nasa sanlibutan na.

⁴ Kayo'y sa Diyos, mga munting anak, at inyong dinaig sila sapagkat siyang nasa inyo ay higit na dakila kaysa sa nasa sanlibutan.

⁵ Sila'y sa sanlibutan: kaya't tungkol sa sanlibutan ang kanilang sinasabi at pinapakinggan sila ng sanlibutan.

⁶ Kami ay sa Diyos. Ang nakakakilala sa Diyos ay nakikinig sa amin at ang hindi sa Diyos ay hindi nakikinig sa amin. Dito'y ating nakikilala ang espiritu ng katotohanan at ang espiritu ng kamalian.

Ang Diyos ay Pag-ibig

⁷ Mga minamahal, mag-ibigan tayo sa isa't isa, sapagkat ang pag-ibig ay sa Diyos at ang bawat umiibig ay ipinanganak ng Diyos at nakakakilala sa Diyos.

⁸ Ang hindi umiibig ay hindi nakakakilala sa Diyos; sapagkat ang Diyos ay pag-ibig.

⁹ Dito nahayag ang pag-ibig ng Diyos sa atin, sapagkat sinugo ng Diyos ang kanyang bugtong na Anak sa sanlibutan upang tayo'y mabuhay sa pamamagitan niya.

¹⁰ Narito ang pag-ibig, hindi sa tayo'y umibig sa Diyos, kundi siya ang umibig sa atin, at sinugo ang kanyang Anak na pantubos sa ating mga kasalanan.

¹¹ Mga minamahal, kung tayo'y inibig ng Diyos nang gayon, nararapat na mag-ibigan din naman tayo sa isa't isa.

¹² Walang^(A) nakakita kailanman sa Diyos; kung tayo'y nag-iibigan sa isa't isa, ang Diyos ay nananatili sa atin, at ang kanyang pag-ibig ay nagiging sakdal sa atin.

¹³ Dito'y nalalaman namin na kami'y nananatili sa kanya at siya'y sa amin, sapagkat binigyan niya kami ng kanyang Espiritu.

¹⁴ At nakita namin at sinasaksihan na sinugo ng Ama ang Anak bilang Tagapagligtas ng sanlibutan.

¹⁵ Ang sinumang nagpapahayag na si Jesus ay Anak ng Diyos, ang Diyos ay nananahan sa kanya, at siya'y sa Diyos.

¹⁶ At ating nalaman at sinampalatayanan ang pag-ibig ng Diyos para sa atin. Ang Diyos ay pag-ibig at ang nananatili sa pag-ibig ay nananatili sa Diyos, at ang Diyos ay nananatili sa kanya.

¹⁷ Dito'y naging ganap ang pag-ibig sa atin upang tayo'y magkaroon ng lubos na pagtitiwala sa araw ng paghuhukom; sapagkat kung ano siya, ay gayundin naman tayo sa sanlibutang ito.

¹⁸ Walang takot sa pag-ibig kundi ang sakdal na pag-ibig ay nagpapalayas ng takot, sapagkat ang takot ay may kaparusahan at ang natatakot ay hindi pa nagiging sakdal sa pag-ibig.

¹⁹ Tayo'y umiibig sapagkat siya ang unang umibig sa atin.

²⁰ Kung sinasabi ng sinuman, “Iniibig ko ang Diyos,” at napopoot sa kanyang kapatid, siya ay sinungaling; sapagkat ang hindi umiibig sa kanyang kapatid na kanyang nakikita, ay hindi maaaring umibig sa Diyos na hindi niya nakita.

²¹ At ang utos na ito na mula sa kanya ay nasa atin, na ang umiibig sa Diyos ay dapat ding umibig sa kanyang kapatid.