Pahayag 9:7-10

Magandang Balita Biblia

⁷ Ang^(A) anyo ng mga balang ay tulad sa mga kabayong handa na sa pakikipagdigma. Sa kanilang ulo ay may parang koronang ginto, at parang mukha ng tao ang kanilang mukha. ⁸ Parang^(B) buhok ng babae ang kanilang buhok at parang ngipin ng leon ang kanilang mga ngipin. ⁹ Natatakpan^(C) ng parang mga baluting bakal ang kanilang dibdib at ang pagaspas ng kanilang pakpak ay parang dagundong ng maraming karwaheng hila ng mga kabayong lulusob sa labanan. ¹⁰ Sila ay may mga buntot na may tulis gaya ng sa alakdan. Nasa buntot nila ang kapangyarihang manakit ng mga tao sa loob ng limang buwan.