Mga Gawa 18:18-28

Ang Biblia (1978)

¹⁸ At si Pablo, pagkatapos na makatira na roong maraming araw, ay nagpaalam sa mga kapatid, at buhat doo'y lumayag na patungo sa ^(A)Siria, at kasama niya si ^(B)Priscila at si Aquila: na ^(C)inahit niya ang kaniyang buhok sa ^(D)Cencrea; sapagka't siya'y may panata.

¹⁹ At sila'y nagsidating sa Efeso, at sila'y iniwan niya doon: datapuwa't pumasok siya sa sinagoga, at nangatuwiran sa mga Judio.

²⁰ At nang siya'y pamanhikan nila na tumigil pa roon ng ilang panahon, ay hindi siya pumayag;

²¹ Kundi nang siya'y nagpaalam sa kanila, at nagsabi, Babalik uli ako sa inyo kung loobin ng Dios, siya'y naglayag buhat sa Efeso.

²² At nang makalunsad na siya sa ^(E)Cesarea, ay siya'y umahon at bumati sa iglesia, at lumusong sa ^(F)Antioquia.

²³ At nang makagugol na siya roon ng ilang panahon, ay umalis siya, at tinahak ang lupain ng ^(G)Galacia, at Frigia, na sunodsunod, ^(H)na pinagtitibay ang lahat ng mga alagad.

²⁴ Ngayon ang isang Judio na nagngangalang ^(I)Apolos, na isang ^(J)Alejandrino sa lahi, at taong marikit mangusap, ay dumating sa Efeso; at siya'y makapangyarihan ukol sa mga kasulatan.

²⁵ Ang taong ito'y tinuruan sa daan ng Panginoon; at palibhasa'y may maningas na espiritu, ay kaniyang sinalita at itinurong maingat ang mga bagay na tungkol kay Jesus, ^(K)na ang naalaman lamang ay ang bautismo ni Juan:

²⁶ At siya'y nagpasimulang magsalita ng buong tapang sa sinagoga. Datapuwa't nang siya'y marinig ni Priscila at ni ^(L)Aquila, ay kanilang isinama siya, at isinaysay sa kaniya ^(M)ang daan ng Panginoon ng lalong maingat.

²⁷ At nang ibig niyang lumipat sa ^(N)Acaya, ay pinalakas ng mga kapatid ang kaniyang loob at sila'y nagsisulat sa mga alagad na siya'y tanggapin: at nang siya'y dumating doon, ^(O)ay lubos na tumulong siya sa mga nagsisampalataya sa pamamagitan ng biyaya;

²⁸ Sapagka't may kapangyarihang dinaig niya ang mga ^(P)Judio, at hayag, na ipinakilala sa pamamagitan ng mga kasulatan na si Jesus ay ang Cristo.