मीका 3

Awadhi Bible: Easy-to-Read Version

3 फुन मइँ कहेउँ, “हे याकूब क मुखिया लोगो, अब सुन ल्या।
हे इस्राएल क प्रजा क सासक लोगो, अब सुन ल्या।
    तू पचन्क जानइ चाही कि निआव का होत ह।
² किन्तु तू पचन्क नेकी स घिना अहइ
    अउर तू पचे लोगन्क खाल तलक उतारि लेत अहा।
    तू पचे लोगन्क हाड़न स माँस नोच लइ लेत अहा।
³ तू पचे मोरे लोगन्क बर्बाद करत अहा।
    तू पचे ओनकर खाल तलक ओनसे उतारत अहा अउर ओनकर हाड़ तलक तोड़त अहा।
    तू पचे ओनकर हाड़न अइसे तोड़त अहा जइसे हाँड़ी मँ माँस चढ़ावइ बरे।
⁴ तू पचे यहोवा स बिनती करब्या
    मुला उ तू पचन्क जवाब नाहीं देइ।
नाहीं, यहोवा आपन मुँहना तू पचन्स छुपाइ।
    काहेकि तू पचे बुरा करम किहे अहा।”

“अगर लोग ऍन नबियन क खाइ क देत हीं,
उ पचे ओकरे बरे सान्ति क कामना करी।
    मुला अगर लोग ओनका खाइके नाहीं देतेन, तउ उ पचे ओकरे बरे जुद्ध क कामना करी।

⁸ मुला यहोवा क आतिमा मोका सक्ति,
    नेकी अउर सामरथ स भरि दिहेस रहा।
मइँ याकूब क ओकर अपराधन क बताउब।
    मइँ इस्राएल क ओकरे पापन क बारे मँ कहब।

⁹ हे याकूब क मुखिया लोगो, इस्राएल क सासक लोगो, तू पचे मोर बात सुना!
    तू पचे निआव स घिना करत अहा।
जउन चीज सोझ होइ
    तू पचे ओका टेढ़ी कइ देत अहा।
¹⁰ तू पचे सिय्योन क निर्माण लोगन क हत्तिया कइके किहा;
    तू पचे यरूसलेम क भयंकर अपराधन क जरिये बनाए रह्या।
¹¹ यरूसलेम क निआवधीस झूठे फैसले देइ बरे घूस लेत रहेन।
    यरूसलेम क याजकन क धन देइ पड़त ह,
ऍकरे पहिले कि उ पचे लोगन्क सीख देइँ।
    लोगन्क नबी लोगन्क धन देइ पड़त ह।
ऍकरे पहिले कि उ पचे भविस्स मँ झाँकइ
    अउर फुन भी उ सबइ मुखिया सोचत हीं कि ओन पइ कउनो दण्ड नाहीं पड़ सकत।
उ सबइ सोचा करत हीं, यहोवा ओनका बचाइ लेइ
    अउर उ पचे कहत हीं, “यहोवा हमरे बीच मँ रहत ह।
    एह बरे हमरे संग कउनो बुरी बात नाहीं घटि सकत ह।”