भजनसंग्रह 137
Nepali Bible: Easy-to-Read Version
1 हामी बाबेल नदीहरूका किनारमा बसेर
सियोनलाई सम्झेर रोयौं।
2 हामीले हाम्रा वीणाहरू छेउमा भएको बेंसीको रूखहरूमा झुण्डाएर राख्यौ।
3 बाबेलमा जसले हामीलाई पक्रेर राखे उनीहरूले नै गीत गाउनु भने।
तिनीहरूले हामीलाई खुशीका गीतहरू गाउन भने,
तिनीहरूले हामीलाई सियोनको बारेमा गीतहरू गाउनु भने।
4 तर कसरी विदेशमा हामीहरू
परमप्रभुका गीतहरू गाउन सक्छौं?
5 हे यरूशलेम, यदि मैले तिमीलाई बिर्सेको भए,
मैले कहिल्यै फेरि दाहिने हातले वीणा बजाउनु बिर्सिने थिएँ।
6 यरूशलेम यदि मैले तिमीलाई भुलेको भए,
तब म भरोसा गर्छु फेरि कहिल्यै गाँउने थिईन।
म कसम खाँन्छु, म तिमीलाई कहिलै भुल्ने छैन।
7 म कसम खाँन्छु यरूशलेम सधैँ मेरो महान् आनन्द हुनेछ।
हे परमप्रभु, एदोमीहरूले के काम गरे, याद गर्नुहोस्।
तिनीहरूले चिच्यए, “पूर्णरूपले विध्वंश पार,
त्यसको जगसम्मै पूर्णरूपले विध्वंश गर।”
8 हे बेबिलोन, तिमी नाश हुनेछौ!
त्यस मानिसलाई धन्यवाद देऊ जसले तिमीलाई दण्ड दिन्छ,
जुन दण्डको निम्ति तिमी योग्य थियौ।
9 त्यस मानिसलाई धन्यवाद देऊ जसले तिम्रा शिशुहरू समाते,
र तिनीहरूलाई ढुङ्गामा थेचारे।
© 2004, 2010 Bible League International