Philippenses 3:4-9

Biblia Sacra Vulgata

⁴ quamquam ego habeam confidentiam et in carne. Si quis alius videtur confidere in carne, ego magis,

⁵ circumcisus octavo die, ex genere Israel, de tribu Benjamin, Hebraeus ex Hebraeis, secundum legem pharisaeus,

⁶ secundum aemulationem persequens Ecclesiam Dei, secundum justitiam, quae in lege est, conversatus sine querela.

⁷ Sed quae mihi fuerunt lucra, haec arbitratus sum propter Christum detrimenta.

⁸ Verumtamen existimo omnia detrimentum esse propter eminentem scientiam Jesu Christi Domini mei: propter quem omnia detrimentum feci, et arbitror ut stercora, ut Christum lucrifaciam,

⁹ et inveniar in illo non habens meam justitiam, quae ex lege est, sed illam, quae ex fide est Christi Jesu: quae ex Deo est justitia in fide,