Matthaeus 3:13-17

Biblia Sacra Vulgata

¹³ Tunc venit Jesus a Galilaea in Jordanem ad Joannem, ut baptizaretur ab eo.

¹⁴ Joannes autem prohibebat eum, dicens: Ego a te debeo baptizari, et tu venis ad me?

¹⁵ Respondens autem Jesus, dixit ei: Sine modo: sic enim decet nos implere omnem justitiam. Tunc dimisit eum.

¹⁶ Baptizatus autem Jesus, confestim ascendit de aqua, et ecce aperti sunt ei caeli: et vidit Spiritum Dei descendentem sicut columbam, et venientem super se.

¹⁷ Et ecce vox de caelis dicens: Hic est Filius meus dilectus, in quo mihi complacui.