Mateo 27:46-50

Ang Pulong Sang Dios

⁴⁶ Pag-alas tres sang hapon nagsinggit si Jesus sing mabaskog, “Eli, Eli, lema sabactani?” nga kon sayuron, “Dios ko, Dios ko, ngaa ginpabay-an mo ako?”^{[a] 47} Pagkabati sang iban nga nagatilindog didto nagsiling sila, “Ginatawag niya si Elias!” ⁴⁸ May isa ka tawo didto nga nagdalagan kag nagkuha sang espongha.^[b] Gintusmog niya ini sa maaslom nga bino kag gintakod sa punta sang tukon kag gintunghol sa baba ni Jesus agod supsupon niya. ⁴⁹ Pero ang iban nagsiling, “Pabay-i lang siya! Tan-awon ta kon maabot si Elias sa pagluwas sa iya.” ⁵⁰ Liwat nagsinggit sing mabaskog si Jesus kag nabugto ang iya ginhawa.