Mateu 27:46-50

Albanian Bible

⁴⁶ Rreth orës nëntë, Jezusi briti me zë të lartë duke thënë: “Eli, Eli, lama sabaktani?.” Domethënë: “Perëndia im, Perëndia im, përse më ke braktisur?.”

⁴⁷ Dhe disa nga të pranishmit, kur e dëgjuan, thanë: “Ky po thërret Elian.”

⁴⁸ Dhe në atë çast një nga ata vrapoi, mori një sfungjer, e zhyti në uthull dhe, mbasi e vuri në majë të një kallami, ia dha për ta pirë.

⁴⁹ Por të tjerët thonin: “Lëre, të shohim në se do të vijë Elia për ta shpëtuar.”

⁵⁰ Dhe Jezusi bërtiti edhe një herë me zë të lartë dhe dha frymë.