Matteusarguðspjall 26:26-29

Icelandic Bible

²⁶ Þá er þeir mötuðust, tók Jesús brauð, þakkaði Guði, braut það og gaf lærisveinunum og sagði: "Takið og etið, þetta er líkami minn."

²⁷ Og hann tók kaleik, gjörði þakkir, gaf þeim og sagði: "Drekkið allir hér af.

²⁸ Þetta er blóð mitt, blóð sáttmálans, úthellt fyrir marga til fyrirgefningar synda.

²⁹ Ég segi yður: Héðan í frá mun ég eigi drekka af þessum vínviðar ávexti til þess dags, er ég drekk hann nýjan með yður í ríki föður míns."