Mateo 14:17-21

Ang Salita ng Diyos

¹⁷ Sinabi nila sa kaniya: Mayroon lang tayo ritong limang tinapay at dalawang isda.

¹⁸ Sinabi niya: Dalhin ninyo sa akin ang mga iyan. ¹⁹ At inutusan niya ang napakaraming tao na umupo sa damuhan. Kinuha niya ang limang tinapay at dalawang isda. Tumingala siya sa langit at kaniyang pinagpala at pinagputul-putol ito. Pagkatapos, ibinigay niya ito sa kaniyang mga alagad at ibinigay naman ng kaniyang mga alagad sa napakaraming tao. ²⁰ Kumain silang lahat at nabusog. Inipon nila ang mga lumabis at nakapuno ng labindalawang bakol. ²¹ May mga limang libong kalalakihan ang mga kumain bukod pa ang mga babae at mga bata.