Matye 13:54-58

Haitian Creole Version

⁵⁴ li ale nan lavil kote l' te grandi a. Li t'ap moutre moun yo anpil bagay nan sinagòg la. Tout moun ki t'ap koute l' te sezi anpil. Yo t'ap di konsa: Ki bò li pran konesans sa a! Kouman li fè fè tout mirak sa yo?

⁵⁵ Se pa pitit bòs chapant lan? Se pa Mari ki manman li? Se pa frè Jak, Jozèf, Simon ak Jid li ye?

⁵⁶ Apa tout sè l' yo la avèk nou. Kote l' jwenn tout bagay sa yo?

⁵⁷ Se sak fè yo te jwenn nan li okazyon tonbe nan peche. Lè sa a, Jezi di yo: Yon pwofèt jwenn respè toupatou, esepte nan peyi l' ak nan fanmi li.

⁵⁸ Se konsa Jezi pa t' fè anpil mirak la, paske yo pa t' kwè nan li.