Lucas 6:11-16

Biblia Sacra Vulgata

¹¹ Ipsi autem repleti sunt insipientia, et colloquebantur ad invicem, quidnam facerent Jesu.

¹² Factum est autem in illis diebus, exiit in montem orare, et erat pernoctans in oratione Dei.

¹³ Et cum dies factus esset, vocavit discipulos suos: et elegit duodecim ex ipsis (quos et apostolos nominavit):

¹⁴ Simonem, quem cognominavit Petrum, et Andream fratrem ejus, Jacobum, et Joannem, Philippum, et Bartholomaeum,

¹⁵ Matthaeum, et Thomam, Jacobum Alphaei, et Simonem, qui vocatur Zelotes,

¹⁶ et Judam Jacobi, et Judam Iscariotem, qui fuit proditor.