Luka 24:13-35

Neno: Bibilia Takatifu

Yesu Awatokea Wanafunzi Wawili

¹³ Siku hiyo hiyo, wanafunzi wawili wa Yesu walikuwa wanak wenda kijiji cha Emau, yapata maili saba kutoka Yerusalemu, ¹⁴ nao walikuwa wakizungumzia mambo yote yaliyotokea. ¹⁵ Wali pokuwa wakizungumza, Yesu mwenyewe alikuja akatembea pamoja nao, ¹⁶ lakini wao hawakumtambua. ¹⁷ Akawauliza, “Ni mambo gani haya mnayozungumzia wakati mnatembea?” Wakasimama , nyuso zao zikionyesha huzuni. ¹⁸ Mmoja wao, aliyeitwa Kleopa, akamwambia, “Nadhani ni wewe tu katika watu wote wanaoishi Yerusalemu ambaye hufahamu mambo yaliyotokea siku hizi chache zilizopita.”

¹⁹ Akawauliza, “Mambo gani?” Wakamjibu “Mambo yaliyompata Yesu Mnazareti. Yeye alikuwa nabii mwenye uwezo mkuu katika maneno yake na matendo yake, mbele za Mungu na mbele za wanadamu. ²⁰ Makuhani wakuu na viongozi wetu walimtoa ahukumiwe kufa na wakamsulubisha. ²¹ Na sisi tulikuwa tumetegemea kwamba yeye ndiye angeliikomboa Israeli. Zaidi ya hayo leo ni siku ya tatu tangu mambo haya yatokee. ²² Isitoshe, baadhi ya wanawake katika kundi letu wametushtua; walikwenda kaburini leo alfajiri ²³ lakini hawakuukuta mwili wake. Waliporudi walisema wamewaona malaika ambao waliwaambia kwamba Yesu yu hai. ²⁴ Baadhi yetu walikwenda kaburini wakakuta mambo ni kama walivyoelezea wale wanawake, ila yeye mwenyewe hawakumwona.”

²⁵ Kisha Yesu akawaambia, “Ninyi ni watu wajinga. Mbona mnaona ugumu kuamini mambo yote yaliyosemwa na Manabii? ²⁶ Je, haikumpasa Kristo kuteswa na kwa njia hiyo aingie katika utukufu wake?” ²⁷ Akawafafanulia maandiko yalivyosema kumhusu yeye, akianzia na maandiko ya Musa na kupitia maandiko yote ya manabii.

²⁸ Walipokaribia kile kijiji walichokuwa wakienda, Yesu akawa kama anaendelea na safari. ²⁹ Lakini wakamsihi akae nao wakisema, “Kaa hapa nasi kwa maana sasa ni jioni na usiku unain gia.” Basi akaingia ndani kukaa nao. ³⁰ Alipokuwa nao mezani, akachukua mkate, akashukuru, akaumega, akaanza kuwagawia. ³¹ Ndipo macho yao yakafumbuliwa, wakamtambua! Lakini akatoweka, hawakumwona tena.

³² Wakaulizana, “Je, mioyo yetu haikuchangamka kwa furaha alipokuwa anazungumza nasi njiani na kutufafanulia Maandiko?” ³³ Wakaondoka mara moja, wakarudi Yerusalemu. Wakawakuta wale wanafunzi kumi na mmoja na wale waliokuwa pamoja nao, wamekusany ika ³⁴ wakisema, “Ni kweli Bwana amefufuka! Amemtokea Simoni.” ³⁵ Kisha wale wanafunzi wawili wakaeleza yaliyotokea njiani na jinsi walivyomtambua Yesu alipoumega mkate. Yesu Awatokea Wanafunzi Wake